Jan Davidsen
Jan Davidsen Raa (fødd 24. juli 1949) har sidan 2015 vore leiar for Norsk Pensjonistforbund. Han var leiar for arbeidstakarorganisasjonen Fagforbundet frå 2003 til 2013,[1] det desidert største fagforbundet i Noreg med over 400 000 medlemmer.[2]
| Jan Davidsen | |||
 | |||
| Fødd | 24. juli 1949 (74 år) | ||
|---|---|---|---|
| Statsborgar av | Noreg | ||
| Parti | Arbeidarpartiet | ||
| Yrke | politikar, fagforeiningsleiar | ||
| Alle verv |
| ||
Karriere endre
Davidsen er utdanna brannmann, og har i tillegg arbeidd som renovatør. Han starta den fagpolitiske verksemda si i fagforeininga til brannmennene i Norsk Kommuneforbund i Bergen. Han leidde Fagforbundet frå og med det vart stifta i 2003 då LO-forbundet Norsk Kommuneforbund vart slått saman med det tidlegare YS-forbundet Norsk Helse- og Sosialforbund, han heldt fram som leiar fram til 2013. Før dette leidde han òg Norsk Kommuneforbund i ei årrekkje (frå 1993). Som leiar tok han mellom anna initiativ til å opprette organisasjonen For velferdsstaten og prosjekta «En verdig alderdom – en livsgaranti» og «Modellkommuneprosjektet».
Jan Davidsen har fast plass i LO-sekretariatet, og blir rekna som ein nær alliert av tidlegare LO-leiar Gerd-Liv Valla. I tillegg til at han har sentrale verv i fagrørsla både nasjonalt – til dømes som medlem av LO-sekretariatet sidan 1990 – og internasjonalt. I tillegg sat Davidsen i sentralstyret i Arbeidarpartiet. Han har også hatt styreverv i Kommunal landspensjonkasse, og han har vore styremedlem i A-pressen sidan 2006.
Kjelder endre
- ↑ «Jan Davidsen» i Store norske leksikon, snl.no.
- ↑ «Om Fagforbundet» (på norsk bokmål). Fagforbundet. Henta 9. august 2023.
- Denne artikkelen bygger på «Jan Davidsen» frå Wikipedia på bokmål, den 4. januar 2010.
Bakgrunnsstoff endre
- «Den røde edderkoppen» av Bjørg Aftret på Dagbladet.no (21. november 2009).
- Knut Olav Åmås [red.]: «Davidsen, Jan» av Rolf Utgård i Hvem er hvem? (Aschehoug, 2008).