Jimmy Buffett
James William «Jimmy» Buffett (fødd 25. desember 1946) er ein USA-amerikansk songar–låtskrivar, forfattar, skodespelar og forretningsmann. Han er mest kjend for musikken sin og i lag med bandet hans Coral Reefer Band, har Buffett spelt inn mange hitsongar, som «Margaritaville» og «Come Monday». Han har ein trufast tilhengjarskare som kallar seg «Parrotheads».
| Jimmy Buffett | |
 Jimmy Buffett i januar 2008 | |
| Fødd | 25. desember 1946 (75 år) |
|---|---|
| Fødestad | Pascagoula i Mississippi |
| Fødenamn | James William Buffett |
| Opphav | USA |
| Aktiv | 1965 til i dag |
| Sjanger | Gulf and Western, country, countrypop, surfemusikk, folk, rock |
| Instrument | vokal, gitar |
| Tilknytte artistar | The Margaritas, Alan Jackson, Glenn Frey, Eagles, Zac Brown Band |
| Plateselskap | Barnaby, Dunhill, MCA, Margaritaville Records, Island, PolyGram, Mailboat, RCA |
| Verka som | songar-låtskrivar, filmprodusent, skodespelar |
| Prisar | Florida Artists Hall of Fame, honorary doctor of the University of Miami |
Utanom musikkarrieren er Buffett òg ein populær forfattar og er involvert i to restaurantkjedar kalla opp etter to av dei kjende songane hans, «Cheeseburger in Paradise» og «Margaritaville».
BiografiEndra
Buffett vart fødd sør i Mississippi og voks opp i Alabama, før han flytta til Nashville for å prøve seg som countrymusikar seint i 1960-åra. Etter at han fekk kontrakt med Barnaby, gav han ut albumet Down to Earth i 1970, der singelen «The Christian?» indikerte at han kanskje høyrte meir heime som protestsongar i Greenwich Village. I staden flytta han til Key West i Florida, der han gradvis utvikla seg til ein standdagdrivar og utvikla ein tropiskl folkrock stil som etter kvart skulle nå ut til store massar.
Han fekk kontrakt med ABC-Dunhill Record (seinare kjøpt opp av MCA) og gav ut det andre albumet sitt, White Sport Coat and a Pink Crustacean i 1973, med songen «Why Don't We Get Drunk» («...and screw?» i refrenget). Buffett synte ei meir tankefull side på Living and Dying in 3/4 Time i 1974, med ein song om skilsmisse, «Come Monday», som vart den første hitten hans. I 1977 gav han ut Changes in Latitudes, Changes in Attitudes med den store hitten hans, «Margaritaville», som vart det store gjennombrotet hans.
I starten av 1980-åra gav Buffett ut album ein gong i året, men dei byrja å selje dårlegare, og han prøvde seg ei kort stund på countrymarknaden igjen. Kvar sommar drog han ut på turné og dei selde særs godt, og han byrja å få ein fast tilhengjarskare, som kalla seg sjølv «Parrotheads». Buffett starta så sitt eige klesmerke kalla Margaritaville og opna den første Margaritaville-klubben sin i Key West. Han byrja òg å skrive romanar og vart ein bestseljar òg som forfattar.
Platekarrieren hans gjekk det dårlegare med, men fleire samleplater selde millionar. I 1994 fekk han suksess med eit studioalbum igjen, Fruitcakes, som vart eit av dei raskast seljande albuma hans. Dette vart etterfølgd i 1995 av Barometer Soup og Banana Wind i 1996. Året etter arbeidde BUffett med ein musikalversjon av Herman Wouk-romanen Don't Stop the Carnival i lag med forfattaren sjølv. Etter at Broadway-produsentane var lunkne gjekk oppsetjinga i seks veker i Miami i 1997.
DiskografiEndra
- Down to Earth (1970)
- A White Sport Coat and a Pink Crustacean (1973)
- Living & Dying in 3/4 Time (1974)
- A1A (1974)
- Havana Daydreamin' (1976)
- High Cumberland Jubilee (1976)
- Changes in Latitudes, Changes in Attitudes (1977)
- Son of a Son of a Sailor (1978)
- Volcano (1979)
- Coconut Telegraph (1981)
- Somewhere over China (1982)
- One Particular Harbour (1983)
- Riddles in the Sand (1984)
- Last Mango in Paris (1985)
- Floridays (1986)
- Hot Water (1988)
- Off to See the Lizard (1989)
- Fruitcakes (1994)
- Barometer Soup (1995)
- Banana Wind (1996)
- Don't Stop the Carnival (1998)
- Beach House on the Moon (1999)
- Far Side of the World (2002)
- License to Chill (2004)
- Take the Weather with You (2006)
- Buffet Hotel (2009)
- Songs from St. Somewhere (2013)
KjelderEndra
- Denne artikkelen bygger på «Jimmy Buffett» frå Wikipedia på engelsk, den 16. oktober 2015.
- Wikipedia på engelsk oppgav desse kjeldene:
