Joël Abati

Joël Marc Abati (fødd 25. april 1970) er ein fransk tidlegare handballspelar, fødd på Martinique. Med Frankrike sitt flinke mannskap vart han verdsmeister 2001, europameister 2006, olympiameister 2008 og på ny verdsmeister 2009. Abati var ein sjeldan sikker straffeskytar.

Joël Abati
Statsborgarskap	Frankrike
Fødd	25. april 1970 (54 år) Fort-de-France
Idrett	handball
Tok del i	Sommar-OL 2008, Sommar-OL 2004
Utmerkingar	Ridder av Æreslegionen

Karriere

Klubbspel

Abati var etter tur aktiv i Fort de France, US Créteil, Espoir de Floreal og USM Gagny. Perioden 1997 til 2007 var han høgrekant eller høgre rykkromspelar i SC Magdeburg i den tyske bundesligaen. Her var han med å vinne EHF-cupvinnarcupen i 1999, 2001, 2007, den tyske seriemeisterskapen 2001 og meisterligaen i 2002. Frå 2007 til -11 gjorde han teneste i Montpellier HB, fransk seriemeister i 2008 og 2009.

Landslagsspel

Abati deltok perioden 1995-2009 i 204 landskampar og skåra 585 mål. Frå VM 2001 til VM 2009 sanka han fire gullmedaljar og tre bronsemedaljar i dei store internasjonale meisterskaps-turneringane. Han var med å vinne VM 2001 og 2009, EM 2006 og OL 2008.

Merittar

• VM 2001: Gullmedalje, 28-25 over Sverige
• VM 2003: Bronsemedalje, 27-22 mot Spania
• VM 2005: Bronsemedalje, 26-25 mot Tunisia
• EM 2006: Gullmedalje, 31-23 over Spania
• EM 2008: Bronsemedalje, 26-26 over Tyskland
• OL 2008: Gullmedalje, 28-23 over Island
• VM 2009: Gullmedalje, 24-19 over Kroatia
• Vinnar av EHF-meisterligaen: 2002 for SC Magdeburg
• Vinnar av EHF-cupvinnarcupen: 1991, 2001 og 2007 for SC Magdeburg
• Tysk ligameister: 2001 for SC Magdeburg
• Fransk seriemeister: 2008 og 2009 for Montpellier HB
• Fransk cupmeister: 1997 for US Créteil, 2008 og 2009 for Montpellier HB

Kjelder

• Denne artikkelen bygger på «Joël Abati» frå Wikipedia på tysk, den 22. juni 2024.