Joe Sample

Joe Sample
	Joe Sample
	;
Fødd	1. februar 1939
Fødestad	Houston
Død	12. september 2014 (75 år)
Dødsstad	Houston
Fødenamn	Joseph Leslie Sample
Opphav	USA
Aktiv	1950s-2014
Sjanger	Jazz
Instrument	Piano, klaverinstrument
Tilknytte artistar	Jazz Crusaders
Plateselskap	Blue Thumb, MCA, GRP, Warner Bros., Verve, ABC Records
Verka som	Musikar, komponist

Joseph Leslie «Joe» Sample (1. februar 1939–12. september 2014) var ein USA-amerikansk pianist, klaverspelar og komponist. Han var ein av dei opphavlege medlemmane i Jazz Crusaders, bandet som berre vart The Crusaders i 1971, og var med i gruppa fram til det siste albumet deira i 1991 (ikkje attsamlingsalbumet i 2003, Rural Renewal).

Frå 1970-åra hadde Sample ein suksessrik solokarriere og var gjesteartist på mange innspelingar for artistar som Miles Davis, George Benson, Jimmy Witherspoon, B.B. King, Eric Clapton, Steely Dan og the Supremes. Sample nytta element av jazz, gospel, blues, latin og klassisk musikk i musikken sin.

Biografi endre

Han var ein av dei mange jazzmusikarane som starta med å spele hard bop, men som gjekk elektrisk under jazz-fusion-tida. Seint i 1950-åra var Sample med på å starte the Jazz Crusaders i lag med trombonist Wayne Henderson, tenorsaksofonisten Wilton Felder, og trommeslagaren Stix Hooper. The Crusaders vart kjend for den unike frontlinja med tenorsaksofon og trombone, og utan trompet. Sample var ein hardt-svingande musikar som kunne takle kordale og modale/skalare improvisasjonar like godt^[1], og heldt seg til akustisk piano dei tidlege åra med the Crusaders. Sidan byta han til elektriske klaverinstrument, då bandet vendte seg mot jazzfunk tidleg i 1970-åra, og droppa «jazz» frå namnet sitt. Sjølv om han hadde spelt inn albumet Fancy Dance som ein triopianist i 1969, vert Rainbow Seeker frå 1978 ofte skildra som det første albumet hans som leiar. I motsetnad til den ru musikken som the Crusaders var kjendt for, bestod soloalbuma til Sample meir av lyrisk og introspektiv jazzpop.^[1]

I 2014 døydde Sample i Houston av mesoteliom, 75 år gammal.

Diskografi endre

Joe Sample i Paris, 1978

Som leiar endre

Tittel	År	Selskap
Fancy Dance	1969	Gazell
The Three	1976
Rainbow Seeker	1978	Blue Thumb
Carmel	1979	Blue Thumb
Voices in the Rain	1980	MCA Jazz
Swing Street Cafe (med David T. Walker)	1981	MCA Jazz
The Hunter	1982	MCA Jazz
Roles	1983	MCA Jazz
Oasis	1985	MCA Jazz
Spellbound	1989	Warner Bros.
Ashes To Ashes	1990	Warner Bros.
Invitation	1993	Warner Bros.
Did You Feel That?	1994	Warner Bros.
Old Places Old Faces	1996	Warner Bros.
Sample This	1997	Warner Bros.
The Song Lives On (med Lalah Hathaway)	1999	GRP
The Pecan Tree	2002	Verve
Soul Shadows	2004	Verve
Creole Love Call (med Nils Landgren)	2006	ACT music
Feeling Good (med Randy Crawford & Steve Gadd)	2007	PRA
No Regrets (med Randy Crawford & Steve Gadd)	2008	PRA
Children Of The Sun (med NDR Bigband & Steve Gadd)	2012	PRA
Live (med Randy Crawford, Steve Gadd & Nicolas Sample)	2012	PRA