Just Dropped In (To See What Condition My Condition Was In)
| Just Dropped In (To See What Condition My Condition Was In) Song av Mickey Newbury frå albumet Harlequin Melodies | ||
| Sjanger | Psykedelisk pop[1] | |
| Komponist | Mickey Newbury | |
| Tekstforfattar | Mickey Newbury | |
| Låtskrivar(ar) | Mickey Newbury | |
|---|---|---|
«Just Dropped In (To See What Condition My Condition Was In)» er ein song skriven av Mickey Newbury og den første hitten for Kenny Rogers and the First Edition i 1968. Songen er sagt å reflektere ei LSD-oppleving, og songen var meint å åtvare mot faren ved å bruke LSD. Songen vart først spelt inn 10. oktober 1967 av Teddy Hill & the Southern Soul som ein singel for Rice Records, produsert av Norro Wilson. Jerry Lee Lewis spelte inn songen kort tid etter for albumet sitt, Soul My Way.
«Just Dropped In ...» vart ein hit for Kenny Rogers and the First Edition (med Kenny Rogers på solovokal) i 1968. Det var den første hitten til Rogers som nådde topp 10 på Billboard-lista, og dei fekk framføre songen på nasjonalt fjernsyn på The Smothers Brothers Comedy Hour. Songen fangar den kortvarige psykedeliske tida seint i 1960-åra, og skil seg frå countryfolkharmoniar som skildra dei fleste songane til First Edition.[2] Songen kom òg ut på albumet The First Edition. Produsenten Mike Post snudde om på eit par riff for å skape introen, og soloen vart spelt av Glen Campbell. Ein annan studiogitarist, Mike Deasy, spelte akustisk gitar.
Då Rogers fekk kontrakt med United Artists Records midten i 1970-åra, etter gruppa var oppløyst, spelte han inn songen på nytt for albumet Ten Years of Gold.
Andre versjonar
endre- Songen vart spelt inn av Bettye LaVette for Karen Records i 1968 som B-sida til «Get Away». På denne utgåva vart han kalla «What Condition My Condition Is In».
- Songen vart spelt av den britiske gruppa Styvar Manor i 1970 og gjeven ut på singel på Polydor.
- Jim Turner frå komedietruppen Duck's Breath Mystery Theatre framførte songen (som karakteren Randee of the Redwoods) på albumet Born To Be Tiled i 1986.
- Songen vart spelt i 1988 av det tyske bandet Die Haut, med Nick Cave som gjestevokalist.
- Ein versjon av songen finst på albumet Welcome to Carcass Cuntry av Jeff Walker und die Fluffers (tidlegare frontmann i Carcass).
- Ein annan versjon av songen vart nytta i filmen Soul Men av Sharon Jones & The Dap-Kings.
- Willie Nelson spelte inn songen i 2001 på albumet Rainbow Connection og i 2002 på albumet The Great Divide.
- Ein annan versjon vart gjeven ut på luksusutgåva av Tom Jones-albumet Spirit in the Room i 2012.
- Songen vart spelt av Supergrass som B-sida til singelen deira Alright/Time.
- Songen er blitt spelt inn av det melodiske death metal-bandet Children of Bodom på den japanske utgåva av albumet Blooddrunk og i 2009 på Skeletons in the Closet.
- The Raymen spelte inn songen i 1998.
- Songen vart spelt inn i 2001 i av Mojo Nixon.
- Songen vart spelt inn i 2012 av Murder by Death.
- Songen vart spelt av Reef for samlealbumet Together.[3]
- I 2013 vart songen spelt inn av det norske rockebandet The Launderettes.[4]
- Songen vart spelt inn av White Denim for fjernsynsserien Fargo.[5]
Kjelder
endre- Denne artikkelen bygger på «Just Dropped In (To See What Condition My Condition Was In)» frå Wikipedia på engelsk, den 17. august 2017.
- Wikipedia på engelsk oppgav desse kjeldene:
- ↑ Pemberton, Pat (21 May 2013). «10 Artists Who Switched Genres». Rolling Stone. Henta 23 July 2016.
- ↑ «Kenny Rogers | Awards». AllMusic. 21. august 1938. Henta 17. august 2017.
- ↑ Bush, John. «Together, the Best of Reef». Allmusic. Henta 27 June 2013.
- ↑ «Getaway - The Launderettes | Songs, Reviews, Credits». AllMusic. Henta 17. august 2017.
- ↑ «White Denim – «Just Dropped In (To See What Condition My Condition Was In)» (Mickey Newbury Cover)».