Kaiwaka
Kaiwaka er ein busetnad i regionen Northland på New Zealand. Elva Kaiwaka renn frå aust gjennom området og går saman med Wairau og dannar Otamatea-elva som renn ut i Kaipara Harbour. Riksvegen State Highway 1 går gjennom Kaiwaka. Wellsford ligg 20 km mot sør, og Brynderwyn åtte km mot nord. Mangawhai Heads ligg 18 km mot nordaust.[3][4]
| Kaiwaka | |||
| by | |||
 | |||
| Land |  New Zealand
| ||
|---|---|---|---|
| Region | Northland | ||
| Folketal | 714 (6. mars 2018)[1] | ||
 Kaiwaka 36°09′40″S 174°26′37″E / 36.161111111111°S 174.44361111111°E | |||
| Wikimedia Commons: Kaiwaka | |||
Folketalet var 537 ved folketeljinga i 2006, ein oppgang på tre frå 2001.[5]
Historie
endreI februar 1825, under Muskettkrigane, fann det stad eit større slag mellom iwiane Ngā Puhi og Ngāti Whātua ved Te Ika-a-ranga-nui nær Kaiwaka. Meir enn 170 døydde her.[6][7]
Seint i 1850-åra hadde Kaiwaka vorte eit haldels- og forretningssenter.[8] Då det gjekk attende med kauritømmeret og kauri-gumverksemdene mot slutten av hundreåret, hadde jordbruk og mjølkeproduksjon kome i gang. Meieriverksemda The Hakaru Dairy Company vart skipa i 1902.[9]
Ferdsel
endreFrå 1880-åra gjekk dampskip i regelmessige ruter til Kaiwaka frå Otamatea. «Minnie Casey» gjekk i rute kvar tysdag frå 1882. Båtrutene vart oppretthaldne godt inn i det 20. hundreåret.[10]
Great North Road frå Auckland til Whangarei gjekk gjennom Kaiwaka, men var storparten av 1800-talet berre ein strek på kartet. Utbetringar på vegen kom i gang frå 1895, og kring 1900 hadde dei verste strekningane på vegen mellom Kaiwaka og Whangarei fått fast dekke.[11] I 1911 hadde Kaiwaka ein populasjon på 211.[12]
Jarnvegslinja North Auckland railway line nådde Kaiwaka i mars 1913, men problem med terrenget og følgjene av den første verdskrigen gjorde at ho ikkje vart forlenga særleg vidare nordover før først på 1920-talet.[13]
Jord- og oppmålingsstyresmaktene tok over store område av uproduktiv jord her og rydda denne på 1940-talet. Tidleg på 1950-talet vart områda overletne til soldatar som var vende heim frå krigen.[14]
Kjelder
endre- ↑ 1,0 1,1 1,2 1,3 http://nzdotstat.stats.govt.nz/wbos/Index.aspx?DataSetCode=TABLECODE8318.
- ↑ 2,0 2,1 2,2 http://nzdotstat.stats.govt.nz/wbos/Index.aspx?DataSetCode=TABLECODE7981.
- ↑ Peter Dowling (redaktør) (2004). Reed New Zealand Atlas. Reed Books. s. kart 8. ISBN 0-7900-0952-8.
- ↑ Roger Smith, GeographX (2005). The Geographic Atlas of New Zealand. Robbie Burton. s. kart 31. ISBN 1-877333-20-4.
- ↑ «Final counts – census night and census usually resident populations, and occupied dwellings - Kaipara District». Statistics New Zealand.
- ↑ Brian Byrne (2002). The Unknown Kaipara. Auckland. s. 25-26. ISBN 0-473-08831-2.
- ↑ Russel Stone (2001). From Tamaki-Makau-Rau to Auckland. Auckland: Auckland University Press. s. 100, 101. ISBN 1-86940-259-6.
- ↑ Wayne Ryburn (1999). Tall Spars, Steamers & Gum. Auckland: Kaipara Publications. s. 23. ISBN 0-473-06176-7.
- ↑ Ryburn, s. 65
- ↑ Ryburn, s. 75, 79, 80-81, 176
- ↑ Ryburn, s. 16, 91
- ↑ Ryburn, s. 162
- ↑ Ryburn, s. 184-185
- ↑ Ryburn, s. 168
- Denne artikkelen bygger på «Kaiwaka» frå Wikipedia på engelsk, den 25. juli 2008.