Karangahake Gorge
37°25′25″S 175°43′32″E / 37.423676°S 175.725514°E
| Karangahake Gorge | |||
| fjellpass | |||
 | |||
| Land |  New Zealand
| ||
|---|---|---|---|
 Karangahake Gorge 37°25′25″S 175°43′34″E / 37.4237°S 175.726°E | |||
| Wikimedia Commons: Karangahake Gorge | |||
Karangahake Gorge (Karangahake-passet eller Karangahake-slukta) dannar ei naturleg grense mellom fjellrekkjene Coromandel Range og Kaimai Ranges ved den sørlege enden av Coromandelhalvøya på Nordøya på New Zealand. Den for ein del tronge og svært snodde slukta vart danna av elva Ohinemuri River som har grave seg ned gjennom berget. Dette er staden der det første gull-rusjet på Coromandel fann stad, i 1875.[1]
Karanga-hake tyder på maorispråk 'varselrop frå den andre sida'. Bakgrunnen for dette skal vera at maorifolk som heldt til i slukta ofte var utsette for åtak frå maorigrupper austfrå, og dei varsla kvarandre om at fienden kom ved å slå på innhole trestammar.
Samferdsel
endreDen 21 kilometer lange Karangahake Gorge gir eit direkte samband mellom byane Paeroa og Waihi, og riksvegen State Highway 2 går gjennom passet. Fram til 1979 gjekk ei jarnvegslinje også gjennom slukta, den dåverande East Coast Main Trunk Railway, mellom Paeroa og Tauranga. Mellom Waikino og Waihi er banen teken vare på som ein museums- og veterantogbane, Goldfields Railway, seks km lang. Avsnittet mellom Paeroa og Waikino utgjer i dag fotturruta Karangahake Gorge Historic Walkway.
Karangahake Gorge Historic Walkway
endreKarangahake Gorge Historic Walkway er ein turveg mellom busetnadane Karangahake og Waikino og går gjennom Karangahake Gorge. Etter at jarnvegen vart lagt ned, vart skjenegangen fjerna og banelekamen gjort om til gangveg. Den kring 1 100 meter lange tidlegare jarnvegstunellen er no opplyst og kan nyttast av fotturistar. Vegen fører forbi talrike interessante historiske stadar, særleg slike som peikar på utvinninga av gull i tida mellom 1870 og 1950.
Opplevingar langs langs Karangahake Gorge Historic Walkway:
- Vandring og klatring
- Mountainbikeaktivitetar
- Vitjing av interessante historiske stadar
- Fisking
- Symjing
- Kanopadling og «White water»-rafting
- Tilgjenge til talrike picknickstader
- Tur med museumsbanen
- Leiting etter edelsteinar
Gangvegen vert vedlikehalden av Department of Conservation (Miljøverndepartementet, DOC).
Kjelder
endre- ↑ L. Harper; T. Mudd; P. Whitfield; D. Hall (September 2006). The Rough Guide to New Zealand (5 utg.). New York, London, Delhi: Rough Guides. s. 397. ISBN 1-84353-679-X.
- Denne artikkelen bygger på «Karangahake Gorge» frå Wikipedia på tysk, den 17. juli 2008.
Bakgrunnsstoff
endre- Side frå DOC om Karangahake Gorge Historic Walkway Vitja 17.07.2008.
- Turisttips om Karangahake Gorge Arkivert 2008-09-17 ved Wayback Machine. Vitja 17.07.2008.
- Paeroa Vitja 17.07.2008.
- Om vasskvaliteten i Ohinemuri River gjennom Karanghahake Gorge ved National Institute of Water & Atmospheric Research, New Zealand Arkivert 2016-03-04 ved Wayback Machine. Vitja 17.07.2008.