Kimmeridge
Kimmeridge er ein liten landsby i Purbeck i Dorset i England, ved kysten av Den engelske kanalen. Landsbyen har kring 110 innbyggjarar (2001). [2]
| Kimmeridge | |||
| landsby | |||
 | |||
| Land |  England
| ||
|---|---|---|---|
| Folketal | 102 (2021)[1] | ||
 Kimmeridge 50°37′01″N 2°07′05″W / 50.617°N 2.118°W | |||
| Wikimedia Commons: Kimmeridge | |||
Landsbyen ligg på skiferklippene frå juratida og har gjeve namn til alderen kimmeridgium i juratida, då dette laget vart lagt ne. Klippene er ein del av verdsarvstaden Jurassic Coast. Vitjingssenteret for Jurassic Coast ligg i Kimmeridge.
Bukta er òg typelokaliteten for kimmeridgeleire frå juratida, som ein finn fleire stader i Sør-England og som er ein av kjeldebergartane for hydrokarbonar i Wessex- og Nordsjøbassenga.
Under klippene finn ein ei stor abrasjonsflate (kalla The Flats). Kysten ved Kimmeridge er uvanleg varm og ein perfekt stad for å studere tang og tare og andre organismar.
På klippa i vest står ei oljepumpe eigd av BP. Ho har pumpa kontinuerleg sidan seint i 1950-åra og er dermed den eldste oljepumpa i Storbritannia som framleis er i drift. Det vert produsert kring 65 tønner olje kvar dag[3] frå eit lag som ligg 350 meter under klippa.[4]
Like aust for Kimmeridge Bay (oppfor Hen Cliff) står ein folly kalla Clavell Tower som inspirerte P.D. James til å skrive romanen The Black Tower. Då tårnet stod i fare for å rase utfor klippa som gradvis vert erodert bort, vart tårnet flytta 35 meter lenger bort frå klippekanten.
Sjå òg
endreKjelder
endre- Denne artikkelen bygger på «Kimmeridge» frå Wikipedia på engelsk, den 26. desember 2009.
- Wikipedia på engelsk oppgav desse kjeldene:
- James P D (1975) The Black Tower, Sphere books (1987 edition), 288pp, ISBN 072-215110-1.
- Wignall P (ed) (1995) Benthic Palaeoecology of the Late Jurassic Kimmeridge Clay of England (Special Papers in Palaeontology series), Palaeontological Association, 74pp, ISBN 090-170242-0.
- Kimmeridge Bay; Geology of the Wessex Coast by Ian West
- ↑ 1,0 1,1 1,2 1,3 «Parish Profiles». Office for National Statistics. Henta 5. august 2024.
- ↑ Folketeljing 2001, arkivert frå originalen 13. mars 2006, henta 13. mars 2006
- ↑ BP NSI - Wytch Farm terminal
- ↑ Natural England - England's Geology - Dorset
Bakgrunnsstoff
endre- Wytch Farm
- Purbeck Arkivert 2001-04-12 ved Wayback Machine. District Council
- Fossilsamling ved Kimmeridge Bay