Kirkenes kyrkje er ei langkyrkje som står i Kirkenes i Sør-Varanger kommune i Finnmark. Kyrkja er frå 1959 og er bygd i betong med sitjeplassar til 275 personar. Arkitekt for bygget var Sofus Hougen. Inventaret i kyrkja er frå byggeåret eller seinare. Altertavla er laga av Kristoffer Leirdal og viser barnet i krubba under stjerna og Kristus på krossen. Leirdal har òg laga døypefonten, medan preikestolen er laga av Sivert Donali.

Kirkenes kyrkje
kyrkje
Land  Noreg
Fylke Finnmark
Kommune Sør-Varanger
Kyrkjesamfunn Den norske kyrkja
Bispedøme Nord-Hålogaland
Prosti Varanger
Sokn Sør-Varanger
Fellesråd Sør-Varanger
Arkitekt Sofus Hougen
Material Betong og tre
Innvigd 1959
Sitjeplassar 275
Kart
Kirkenes kyrkje
69°43′42″N 30°02′39″E / 69.728278°N 30.044083°E / 69.728278; 30.044083
Wikimedia Commons: Kirkenes kirke
Kirkenes kyrkje is located in Finnmark
Plasseringa til Kirkenes kyrkje
Gamlekyrkja fotografert i 1928. Bygget brann ned under andre verdskrigen.

Kirkenes kyrkje er soknekyrkje i Sør-Varanger sokn i Varanger prosti.

Den fyrste kyrkja på staden vart innvigd i 1862, og staden fekk namnet Kirkenes på grunn av kyrkja. Dette var ei åttekanta trekyrkje som var teikna av Christian Heinrich Grosch.[1] Gamlekyrkja stod til 1944 då ho, som nær alt anna i byen, vart øydelagd under den massive bombinga før frigjeringa. Kyrkja brann då heilt ned til grunnen. Etterpå vart kyrkjespiret attfunne i ruinane og teke vare på og det er no i den noverande kyrkja.

Kjelder endre

Referansar endre

  1. «Chr. H. Grosch 1801-1865, bygninger i Norge» på nettstaden til Nasjonalmuseet (PDF), arkivert frå originalen (PDF) 12. desember 2013, henta 2. mai 2009 

Bakgrunnsstoff endre