Kjetil Mårdalen

Kjetil Mårdalen (12. januar 1925–4. november 1996) var ein kombinertløpar og langrennar frå Tinn kommune, der han også døydde. Han vann bronsemedaljen i kombinert under verdsmeisterskapen i 1954 i Falun. Året etter gjekk han heilt til topps i Svenska skidspelen. Mårdalen representerte Tinn Skilag. Langrennaren Jon Mårdalen var far hans.

Kjetil Mårdalen
Statsborgarskap	Noreg
Fødd	12. januar 1925 Tinn kommune
Død	4. november 1996 (71 år)
Idrett	kombinert
Tok del i	Vinter-OL 1956

Aktiv

Kjetil Mårdalen kom på sjetteplass i kombinertrennet under ski-VM 1950 i Lake Placid i USA. Året etter tok han sølvmedaljen i noregsmeisterskapen; 4,5 poeng bakom Simon Slåttvik, men 1,4 poeng framom Sverre Stenersen.

I VM på ski i 1954 i Falun tok norske idrettsmenn dei fem fyrste plassane i kombinert; Sverre Stenersen vart verdsmeister framom Gunder Gundersen, med Mårdalen på bronseplass. Under den Svenska skidspelen for 1955 i Nässjö gjekk Mårdalen heilt til topps, nær fire poeng framom Eero Kemppainen frå Finland og nesten ti føre sin eigen landsmann, Arne Barhaugen. Mårdalen deltok for Noreg også i 1956 i Cortina d'Ampezzo og vart nummer 14 i det olympiske kombinert-rennet.

Han la opp i 1956.

Medaljar og esteplasseringar i internasjonale meisterskap og renn

• 1949: Nr 4 i Holmenkollen
• 1950: Nr 6 i VM i Lake Placid. Nr 3 i Holmenkollen
• 1951: Nr 3 i Holmenkollen og i Lahti
• 1953: Nr 3 i Svenska skidspelen i Falun
• 1954: Bronsemedalje under ski-VM i Falun
• 1955: Vinnar i Svenska skidspelen i Nässjö
• 1956: Nr 5 i Holmenkollen

Medaljar og besteplasseringar i noregsmeisterskap

• Ski-NM 1950: Nr 4 i kombinert
• Ski-NM 1951: Sølvmedalje i kombinert
• Ski-NM 1953: Nr 4 i kombinert
• Ski-NM 1954: Bronsemedalje i kombinert og nr 5 på 15 km langrenn på Kongsvinger
• Ski-NM 1955: Nr 4 på Voss i kombinert

Kjelder

• Denne artikkelen bygger på «Kjetil Mårdalen» frå Wikipedia på bokmål, den 24. november 2012.

• Sportsboken, aktuelle årgangar

Bakgrunnsstoff

• Profil på FIS-Ski.com
• (en) Kjetil Mårdalen – Profil og resultatoversikt i olympiske konkurransar på sports-reference.com.