Kosmisk geofysikk
Kosmisk geofysikk er ei grein innan romforsking der ein studerer geofysiske fenomen, tilhøve og prosessar i den øvre jordatmosfæren og magnetosfæren. I engelsk språk finn ein òg namnet Solar-Terrestrial Physics ('sol-jord-fysikk') for fagområdet. Dette viser til at det er sola som er energikjelda, og for å få heilskapen må ein òg inkludere denne.
Forskingsområde innan kosmisk geofysikk er koplinga og energioverføringa mellom solvind, magnetosfære, ionosfæren, atmosfæren og ned til jorda. Område innan kosmisk geofysikk er mellom anna jordmagnetisme, fysikken i den øvre atmosfæren, polarlysfysikk og ionosfære- og magnetosfærefysikk.
Kjelder
endre- kosmisk geofysikk. (28.02.2013) I Store norske leksikon. Henta frå: http://snl.no/kosmisk_geofysikk