Kristiansand kommune

Kristiansand kommune er ein kommune i Agder fylke. Administrasjonssenteret er Kristiansand, som den største byen i regionen Sørlandet og er sete for fylkesadministrasjonen i Agder fylkeskommune. Den 1. januar 2020 vart Songdalen, Søgne, og Kristiansand kommunar slege saman. Kommunen vart heitande Kristiansand.

Kristiansand kommune
kommune
Kommunevåpen
Land	Noreg
Fylke	Agder
Adm.senter	Kristiansand
Areal	644,16 km²
- land	612,97 km²
- vatn	31,19 km²
Folketal	115 569  (1. januar 2023)
Målform	bokmål
Ordførar	Jan Oddvar Skisland (Ap)
Kommunenr.	4204
Kristiansand kommune 58°8′48″ N 7°59′44″ E
Wikimedia Commons: Kristiansand
Nettstad: kristiansand.kommune.no

Samferdsel

Kristiansand er òg eit viktig knutepunkt for transport og kommunikasjon. Byen er ende- og startpunkt for E 18, E 39 og riksveg 9 over Setesdalen. Med Sørlandsbanen har byen jarnbanesamband med både Oslo i aust og Stavanger i vest. Flyplassen på Kjevik er forbunde med fleire byar i Noreg og Europa, mellom anna Amsterdam og København. Det er hyppige ferjeavgangar til Hirtshals i Danmark.

Tettstader

• Justvik
• Korsvik
• Kristiansand
• Skålevik
• Strai
• Tveit
• Oddernes
• Vennesla (busetnaden i tettstaden Vennesla strekkjer seg inn i Kristiansand kommune.)

Kommunevåpenet

Kristiansand sitt våpen viser ei løve under ei furu på raud bakgrunn, med ei krone over og eit valspråk rundt. At krona er lukka og ikkje open, som i andre byvåpen, syner at byen vart grunnlagd av ein konge. Furua viser til at byen vart grunnlagd på ei furumo, og løva kjem frå det norske riksvåpenet. Valspråket som står under våpenet er «Causa Triumphat Tandem Bona» - den gode saka vinn til slutt.

Kjende personar frå Kristiansand

• Henrik Wergeland (1808–1845), forfattar
• Kronprinsesse Mette-Marit av Noreg
• Camilla Collett, forfattar
• Jens Bjørneboe, forfattar
• Kristofer Hæstad, fotballspelar
• Terje Formoe, opphavsmannen til Kaptein Sabeltann
• Gaute Heivoll (f. 1978), forfattar (Finsland)
• Iselin Shumba (f. 1984), skodespelar, skribent, samfunnsdebatant, fødd i Harare i Zimbabwe
• Morten Langeland (f. 1986), forfattar

Bakgrunnsstoff

• Kristiansand kommune