Kristiansund lufthamn, Kvernberget

Kristiansund lufthamn, Kvernberget er ein flyplass eigd og driven av Avinor AS. På Kvernberget ligg det òg ein helikopterterminal med flygingar til nokre av dei norske oljeriggane i Norskehavet.

Kristiansund lufthamn, Kvernberget
IATA	KSU
ICAO	ENKB
Eigar	Avinor
Operatør	Avinor
Tener	Kristiansund kommune
Stad	Kristiansund kommune
Opna	1970
Høgd	62
Koordinatar	63°06′42″N 07°49′28″E
Nettstad	http://www.avinor.no/en/airport/kristiansund

Det er 4 grinder på Kvernberget. Grind 2 og 3 vert nytta til vanlege innanlandsruter og grind 1 til leigeturar, medan grind 4 vert nytta berre ved spesielle høve. Flyplassen handterer rundt 230 000 passasjerar i året, medan heliporten har rundt 70 000. Kvernberget har direkteruter til Molde, Trondheim, Oslo, Bergen, Stavanger og Aberdeen. Lufthamna har dessutan leigeturar til Mallorca og Romania, og rutefly til Aberdeen via Stavanger. Han har ein kafeteria driven av Select Service Partner (SSP), og ein kiosk.

Flyplassen blei bygd i 1970, og fekk namn etter Kvernberget like ved. Fjellet, på 205 moh., er det høgaste på Nordlandet og var òg det høgaste i Kristiansund kommune føre Frei kommune vart innlemma den 1. januar 2008.

Kjelder

• Denne artikkelen bygger på «Kristiansund lufthamn, Kvernberget» frå Wikipedia på bokmål, den 19. mars 2006.

Bakgrunnsstoff

• Avinors si side om Kristiansund lufthamn, Kvernberget
  Denne transportartikkelen er ei spire. Du kan hjelpe Nynorsk Wikipedia gjennom å utvide han.