Kvernøya
Kvernøya er ei øy i Flatanger kommune i Trøndelag. Øya måler 5,1 kvadratkilometer og er den største i kommunen. Dei nordlege og austlege delane består for ein stor del av kupert, skogkledd terreng, medan det i vest og sør er meir snaufjell og lyngområde. Det høgaste punktet er Kvernøyfjellet (144 moh).
| Kvernøya | |
|---|---|
| Geografi | |
| |
| Stad | Namdalen |
| Koordinatar | 64°31′31″N 10°48′09″E / 64.52528°N 10.80250°E
|
| Areal | 5,1 km²
|
| Høgaste punkt | Kværnøyfjellet (145 moh.)
|
| Administrasjon | |
| Land |  Noreg
|
| Fylke | Trøndelag
|
Det er funne spor etter busetnad her tilbake til yngre steinalder. Ho vert første gong nemnd i skriftlege kjelder i lensreknskapet i 1557. Like etter den andre verdskrigen budde det om lag 80 menneske på øya og hovudnæringa var fiske og jordbruk, gjerne i kombinasjon. Kvernøya fekk ny veg (til saman om lag 3 km), kai og molo i 1980-81. Folketalet har derimot gått jamt tilbake dei siste 60 åra, og det er i dag ingen fastbuande her.