Laurits K. Grønnevet
Laurits K. Grønnevet (27. oktober 1874–11. mars 1959) var ein norsk fiskar, bonde, postopnar og lokalpolitikar. Han var fødd på garden Sætre i Vartdal kommune, no Ørsta, på Sunnmøre. Han tok til som fiskar i open møringsbåt 15 år gammal. Seinare var han førar på eigne båtar. I 1921 slutta han som fiskar og vart postopnar, noko han var til 1944.
| Laurits K. Grønnevet | |
 Laurits K. Grønnevet til høgre, og tvillingbroren Andreas Årskog | |
| Fødd | 27. oktober 1874 |
| Død | |
L.K. Grønnevet, som han gjerne vart kalla, hadde mange offentlege verv og oppgåver. I heimkommunen vart han vald til headstyret i 1910. I 1912 vart han ordførar. Det var han i fleire bolkar, til saman i 14 år. Han var formann i forstandarskapet i Vartdal Sparebank. Medhjelpar til presten i Vartdal kyrkje var han i 36 år.
Som ordførar var han medlem av fylkestinget. I åtte år sat han i fylkesskulestyret. Grønnevet sat ofte i lagretten. Oftast var det i jordskifte- og grensegangforretningar. I 1935 gjekk han, saman med andre, frå Ålesund til Kristiansund i høve vegskjøn. Dei mest krevjande oppgåvene han utførte for samfunnet, rekna han sjølv å vere arbeidet med matforsyninga under første verdskrigen, og formannsjobben i byggenemnda for Vartdal kraftverk.
Kjelder endre
- Minne og opplevingar oppskrivne av L.K.Grønnevet - Vartdal Upublisert.