Leevan Sands
Leevan Sands fødd 16. august 1981 er ein bahamansk tresteghoppar frå Nassau. Han vann bronsemedaljen i øvinga i VM 2003 og i OL 2008.
| Leevan Sands | |
|
| |
| Statsborgarskap | Bahamas |
| Fødd | 16. august 1981 (42 år) Nassau på Bahamas |
| Idrett | friidrett |
| Tok del i |
Sommar-OL 2008, Sommar-OL 2012, Sommar-OL 2004, Friidrett under Sommar-OL 2016, Samveldeleikane 2002, Panamerikanske leker 2015 |
Aktiv endre
Våren 2002 sette Sands personleg rekord med eit tresteghopp på 17,50 meter under eit stemne i Odessa i delstaten Texas i USA. Han vart tredjemann i øvinga i så vel samveldeleikane 2002 i Manchester, som under verdsmeisterskapen 2003 i Paris/Saint-Denis. I VM 2005 vart Sands nummer fire, ein centimeter bak bronsemedaljør Marian Oprea frå Romania.
Under OL-finalen 2008 presterte Sands i tredje omgang sitt livs lengste tresteghopp på 17,59 meter. Med det hoppet vann han bronsen, 8 cm bak Nelson Évora og 3 cm bak Phillips Idowu. I dei komande store meisterskapane enda han som nummer 4 i VM 2009, nummer 7 i VM 2011 og nummer fem i OL 2012.
Doping endre
I februar 2006 testa Sands positivt på middelet levometamfetamin og vart straffa med seks månaders utestenging frå idretten grunna brot på doping-vedtektene.
Medaljar og plasseringar i internasjonale meisterskap endre
- VM 2003 i Paris: Bronsemedalje – 17,26 m
- OL 2004 i Aten: Utslått i kvalifiseringa (16,35 m=nr 27)
- VM 2005 i Helsinki: Nr 4 – 17,39 m
- VM 2007 i Osaka: Utslått i kvalifiseringa (16,53 m=nr 21)
- OL 2008 i Beijing: Bronsemedalje – 17,59 m
- VM 2009 i Berlin: Nr 4 – 17,32 m
- VM 2011 i Daegu: Nr 7 – 17,21 m
- OL 2012 i London: Nr 5 – 17,19 m
- VM 2015 i Beijing: Nr 10 – 16,88 m
- OL 2016 i Rio de Janeiro: Utslått i kvalifiseringa (16,53 m=nr 18)
Kjelder endre
- Denne artikkelen bygger på «Leevan Sands» frå Wikipedia på tysk, den 26. juli 2020.
Bakgrunnsstoff endre
- «Leevan Sands» (på engelsk). olympedia.org. Henta 13. februar 2023.