Lise Haavik
Lise Haavik (fødd 23. februar 1962 i Narvik) er ein norsk-dansk songar som er best kjend for å ha representert Danmark i Bergen i Eurovision Song Contest 1986. Ho er også kjend i Danmark for sitt arbeid i duoen Trax saman med sin ektemann, John Hatting.
| Lise Haavik | |||
 | |||
| Fødd | 23. februar 1962 (63 år) | ||
|---|---|---|---|
| Fødestad | Narvik | ||
| Opphav | Noreg | ||
| Aktiv | 1983– | ||
| Sjanger | pop | ||
| Instrument | vokal | ||
| Verka som | songar | ||
| Gift med | John Hatting | ||
Biografi
endreTidleg liv
endreHaavik vart fødd i Narvik 23. februar 1962. Ho flytta til Danmark i 1982 for å studere økonomi ved Odense Universitet og Copenhagen Business School. Haavik samarbeida med John Hatting seint i 1983, og dei gifta seg like etter. På den tida jobba ho med musikk på fulltid og slutta å studere.[1]
Musikalsk karrière
endreEit år etter ho flytta til Danmark, vart Haavik med i amatørsongtevlinga til Se & Hør, der ho kom på andreplass. Like etter dette møtte hun John Hatting, som seint i 1983 søkte etter ein kvinneleg songar for å starte ein duo. Plateselskapet sende Haavik, og saman danna dei duoen Trax.[1]
Haavik representerte Danmark i Eurovision Song Contest 1986 med songen «Du er fuld af løgn».[1] Mens begge var til stades på scena i Grieghallen, var det berre Haavik som song, og som vart kreditert under framsyninga (Hatting vart seinare kreditert som komponist).[2] Songen enda på sjetteplass av totalt 20 deltakarar. Det er den einaste gongen Haavik har delteke i Eurovision Song Contest, etter fleire mislykka forsøk på å representere Danmark i 1984 og 1985. Ho prøvde seg også for Noreg i Melodi Grand Prix 1988, utan å nå finalen.
Haavik har fortsett å jobbe med musikk, med hennar siste verk, «Cry Me a River», utgjeve i 2007.[3]
Kjelder
endre- ↑ 1,0 1,1 1,2 «Denmark in 1986». ESCToday. Henta 6. oktober 2008.
- ↑ Eurovision Song Contest 1986 (3. mai 1986). Danmarks Radio.
- ↑ Cry Me a River at Yahoo! Music
- Denne artikkelen bygger på «Lise Haavik» frå Wikipedia på bokmål, den 21. november 2022.
Bakgrunnsstoff
endre- Lise Haavik på Internet Movie Database
- Lise Haavik på Danske Film