Litauen i Eurovision Song Contest

	;
Offisielt	Litauen
	; LRT
	; LRT
Uttakingar
Nasjonalt	21
Internt	1
Deltaking
Debutår	1994
Deltakingar	22
Beste resultat
Semifinalen	3 (2012)
Finalen	6 (2006)
Verste resultat
Semifinalen	Sist (2005)
Finalen	Sist (1994)
Poeng
Semifinalane	1 525
Finalane	1 182
Totalt	2 707

Litauen debuterte i Eurovision Song Contest i 1994 og har delteke 22 gongar i tevlinga. Litauen har aldri vunne Eurovision Song Contest og har nådd topp ti ved tre anledningar: ein sjetteplass i 2006, ein niandeplass i 2016 og ein åttandeplass i 2021. Etter innføringa av semifinalar i 2004, har Litauen kvalifisert seg til finalen 11 av 18 gongar.^[1]

HistorikkEndra

Det er den litauiske ålmennkringkastaren Lietuvos nacionalinis radijas ir televizija (LRT) som sender Eurovision Song Contest i Litauen, og som vel det litausike bidraget til tevlinga. I 1994 deltok Litauen i Eurovision Song Contest for fyrste gong, med Ovidijus Vyšniauskas og songen «Lopšinė mylimai». Songen og artisten var valde internt av tv-kanalen, men sidan har alle litauiske bidrag blitt kåra gjennom ein nasjonal finale. Litauen fekk ein verst tenkeleg start då «Lopšinė mylimai» kom heilt sist utan poeng i Dublin i Irland.

Fråvær og returEndra

Donny Montell har delteke to gongar for Litauen i Eurovision Song Contest.

Etter sisteplassen heldt landet seg borte frå tevlinga, men returnerte i 1999 med Aistė og songen «Strazdas». Ho framførte bidraget på samogitisk, ei litauisk dialekt. Ho vart berre nummer 20 av 23, og dimed måtte Litauen stå over tevlinga i 2000. Eit middels resultat i 2001 og ein nest sisteplass i 2002 førte til at Litauen måtte stå over tevlinga i 2003.

Frå 2004 deltok Litauen i semifinalar og kom på sisteplass i semifinalen i 2005. Året etter kvalifiserte Litauen seg for fyrste gong med gruppa LT United og «We Are the Winners». Låten kom på ein sjetteplass, noko som framleis er den beste plasseringa til Litauen i Eurovision Song Contest. Sidan har resultata til Litauen svinga, og Litauen kvalifiserte seg ikkje til finalen i 2008, 2010 og 2014. I 2016 fekk Litauen sin til då nest beste plassering, då Donny Montell sang Litauen inn til ein niandeplass med «I've Been Waiting for This Night». Denne plasseringa vart slegen av The Roop i 2021, som fekk ein åttandeplass med «Discoteque».

Lange nasjonale finalarEndra

Med unntak av 1994 har Litauen valt ut sine bidrag gjennom ein nasjonal finale. Frå 2013 til 2019 vart dei litauiske bidraga valde gjennom den nasjonale finalen "Eurovizijos" dainų konkurso nacionalinė atranka (Eurovision Song Contest, nasjonal utveljing). Gjennom denne utveljinga vart Litauen etter kvart kjent for sine lange og kronglete uttakingar; i 2015 var det åtte show før vinnaren vart kåra, og i 2016 var det heile ti show.^[2] Dette vekte også oppsikt i Noreg, og under norske Melodi Grand Prix 2016 viste NRK direktebilete frå den åttande litauiske delfinalen, som gjekk samstundes som den norske finalen.^[3] Sidan 2020 har dei litauiske bidraga verte valde gjennom den nasjonale finalen Pabandom iš naujo! (Vi prøver igjen!).^[4]

BidragEndra

År	Artist	Song	Språk	Finalen		Semifinalen
År	Artist	Song	Språk	Poeng	Plass	Poeng	Plass
1994	Ovidijus Vyšniauskas	«Lopšinė Mylimai»	Litauisk	0	25	Ingen semifinalar
Deltok ikkje 1995–1998
1999	Aistė	«Strazdas»	Samogitisk	13	20
2000	Deltok ikkje
2001	SKAMP	«You Got Style»	Engelsk og litauisk	35	13
2002	Aivaras	«Happy You»	Engelsk	12	23
2003	Deltok ikkje
2004	Linas og Simona	«What's Happened To Your Love?»	Engelsk	Ikkje kvalifisert		26	16
2005	Laura and The Lovers	«Little By Little»	Engelsk	Ikkje kvalifisert		17	25
2006	LT United	«We Are the Winners»	Engelsk	162	6	163	5
2007	4Fun	«Love or Leave»	Engelsk	28	21	Topp 10 året før
2008	Jeronimas Milius	«Nomads in the Night»	Engelsk	Ikkje kvalifisert		30	16
2009	Sasha Son	«Love»	Engelsk og russisk	23	23	66	9
2010	InCulto	«Eastern European Funk»	Engelsk	Ikkje kvalifisert		44	12
2011	Evelina Sašenko	«C'est ma vie»	Engelsk og fransk	63	19	81	5
2012	Donny Montell	«Love Is Blind»	Engelsk	70	14	104	3
2013	Andrius Pojavis	«Something»	Engelsk	22	17	53	9
2014	Vilija Matačiūnaitė	«Attention»	Engelsk	Ikkje kvalifisert		36	11
2015	Monika Linkytė og Vaidas Baumila	«This Time»	Engelsk	30	18	67	7
2016	Donny Montell	«I've Been Waiting For This Night»	Engelsk	200	9	222	4
2017	Fusedmarc	«Rain of Revolution»	Engelsk	Ikkje kvalifisert		42	17
2018	Ieva Zasimauskaitė	«When We're Old»	Engelsk og litauisk	181	12	119	9
2019	Jurij Veklenko	«Run with the Lions»	Engelsk	Ikkje kvalifisert		93	11
2020	The Roop	«On Fire»	Engelsk	Avlyst
2021	The Roop	«Discoteque»	Engelsk	220	8	203	4
2022	Monika Liu	«Sentimentai»	Litauisk	128	14	159	7