Ludvík Daněk
Ludvík Daněk (6. januar 1937–16. november 1998) var ein tsjekkoslovakisk friidrettsutøvar frå landsbyen Hořice, som frå 1964 til 1974 høyrde heime i verdseliten i diskoskasting. Danek vart olympisk meister i 1972 og europameister året i førevegen. Dessutan tok han OL-sølv og OL-bronse, samt eitt EM-sølv. Han vart tsjekkoslovakisk meister 14 gongar i tida 1963-76. Tre gongar sette han ny verdsrekord, hans personlege rekord frå 1974 var på 67,18 meter. Han døydde i heimen sin i Hutisko-Solanec.
| Ludvík Daněk | |
 | |
| Statsborgarskap | Tsjekkia, Tsjekkoslovakia |
| Fødd | 6. januar 1937 Hořice |
| Død |
16. november 1998 (61 år) |
| Yrke | friidrettsutøvar |
| Språk | tsjekkisk |
| Høgd | 193 centimeter |
| Ludvík Daněk på Commons | |
Aktiv endre
Danek deltok i den tsjekkoslovakiske friidrettsmeisterskapen fyrste gongen i 1961 og vart nummer åtte i diskoskast. Han fekk sin internasjonale debut året etter, og i 1963 kasta han seg inn i verdseliten i øvinga då han oppnådde 60,04 meter. I mai 1964 sette Danek ny europarekord med 62,45 m, før han så i august same året forbetra verdsrekorden til 64,55 m. Under OL i Tokyo hausten 1964, vart han berre slått av Al Oerter frå USA.
I 1965-sesongen deltok Danek i 42 tevlingar og vann alle, unnateke ei. Seint i sesongen, den 10. oktober vart han fyrstemann i verda til å kaste over 65 meter. Framfor berre 300 tilskodarar i Sokolov sette han sin andre verdsrekord, som målte 65,22 meter. Han forbetra rekorden sin til 66,07 meter den 7. juni 1966 i Long Beach i California. Etter å hå mista verdsrekorden i 1968, var han nær ved å ta han tilbake då han tidleg i juni 1969 på ny var i Long Beach. 66,48 meter var ny europarekord.
I ein tiårsperiode var Danek alltid mellom dei store medaljefavorittane i meisterskapane, men lukkast ikkje så altfor godt dei fyrste åra. Rettnok vann han sølv i OL 1964 og OL-bronse i 1968, men i europameisterskapane lukkast han i før enn i 1971. I 1969 mangla han fire centimeter på bronseplassen, før han endeleg kunne kalla seg europameister etter ein suveren siger i EM i friidrett 1971 i Helsingfors. Året etter vart han olympisk meister i øvinga i München, før han avslutta medaljefangsten i 1974 med ein sølvmedalje under EM i Roma. Same året slengde han diskosen 67,18 meter og sette dermed sin niande og siste nasjonale rekord.
Danek vann diskosøvinga i den tsjekkoslovakiske meisterskapen fjorten år på rad. Vinnarkastet i 1963 målte akkurat 60 meter, tretten år seinare vann han med eit kast på 59,96 m. Etter 1976-sesongen la han opp som friidrettsutøvar. Frå utpå 1980-talet sat han i sentrale posisjonar i den nasjonale olympiske komiteen og det tsjekkiske friidrettsforbundet.
Medaljar og plasseringar i internasjonale meisterskap endre
- EM 1962 i Beograd: Nr 9
- OL 1964 i Tokyo: Sølvmedalje – 60,52 m, bakom Al Oerter (61,00 m)
- EM 1966 i Budapest: Nr 5 – 56,24 m
- OL 1968 i Mexico by: Bronsemedalje – 62,92 m
- EM 1969 i Aten: Nr 4 – 59,30 m
- EM 1971 i Helsingfors: Gullmedalje – 63,90 m, framom Lothar Milde frå DDR (61,62 m)
- OL 1972 i München: Gullmedalje – 64,40 m, framom Jay Silvester frå USA (63,50 m)
- EM 1974 i Roma: Sølvmedalje – 62,76 m, bakom Pentti Kahma frå Finland (63,62 m)
- OL 1976 i Montreal: Nr 9 – 61,28 m
Kjelder endre
- Denne artikkelen bygger på «Ludvík Daněk» frå Wikipedia på tysk, den 8. august 2013.
Bakgrunnsstoff endre
- (en) Ludvík Daněk – Profil og resultatoversikt i olympiske konkurransar på sports-reference.com.