Magnetotermisk effekt

Magnetotermisk effekt eller termomagnetisk effekt er eit samleomgrep på elektriske og termiske fenomen som oppstår når ein leiar som det går ein varmestraum gjennom, blir plassert i eit magnetfelt. Magnetotermisk effekt er nærskyldt med galvanomagnetisk effekt. Med eit fellesomgrep vert dei kalla for termoelektromagnetiske effektar.

Dersom varmestraumen går i x-retninga, og eit magnetfelt står vinkelrett på denne, i z-retninga, kan følgjande magnetotermiske effektar observerast:

• ettinghauseneffekt og nernsteffekt, som gjev eit elektrisk felt i y-retninga, vinkelrett på både x- og z-retninga
• Righi–Leduc-effekt, som resulterer i ein temperaturgradient (temperaturfall eller -stigning) i y-retninga. Dessutan kan det oppstå eit elektrisk felt i x-retninga som svarar til ei forandring av den termoelektriske effekten til stoffet, og ei forandring i temperaturgradienten i x-retninga som svarar til at magnetfeltet har gjeve ei forandring i termisk konduktans.

Kjelder

magnetotermisk effekt. I Store norske leksikon. Henta frå: http://snl.no/magnetotermisk_effekt