Mamlukdynastiet
Mamlukdynastiet, Ghulamdynastiet eller Slavedynastiet var det første av fem dynasti som styrte Delhisultanatet frå 1206 til 1290.[1]
«Mamluk» tyder 'tilhøyrer' eller 'eigd' og viser til soldatar av slaveopphav som hadde konvertert til islam. Dynastiet blei oppretta av Qutb-ud-din Aybak, ein sentralasiatisk mamlukegeneral av tyrkisk avstamming. Han var ein av fleire slike generalar som oppretta sultanat etter at Muhammad of Ghor, sultanen av Ghurideriket, døydde barnlaus i 1206.[2]
Aybak døydde i 1210. Sonen hans Aram sjah kom på trona, men blei snikmyrda i 1211 av Iltutmish, som etterfølgde han.
Mamlukdynastiet blei fortrengd av Khaldjidynastiet etter at Jalal ud din Firuz Khalji leia eit opprør og kasta den siste mamluksultanen, Muiz ud din Qaiqabad.
| År | Sultan |
|---|---|
| 1206–1210 | Qutb Al-Din Aibeg |
| 1210–1211 | Aram Shah |
| 1211–1236 | Shams us din Iltutmish |
| 1236 | Rukn Al-Din |
| 1236–1240 | Radiyya Begum |
| 1240–1242 | Mu'izz Al-Din Bahram Shah |
| 1242–1246 | Aladdin Masud Shah |
| 1246–1266 | Nasr Al-Din |
| 1266–1287 | Sultan Baban |
| 1287–1290 | Muizz Al-Din |
Kjelder endre
- ↑ Sen, Sailendra (2013). A Textbook of Medieval Indian History. Primus Books. s. 72–80. ISBN 978-9-38060-734-4.
- ↑ George F. Nafziger, Mark W. Walton, Islam at War: A History, (Praeger Publishers, 2003), 56.
- Denne artikkelen bygger på «Mamlukdynastiet» frå Wikipedia på bokmål, den 13. januar 2018.