Mannen med ljåen
Mannen med ljåen er eit symbol på og ein personifikasjon av døden i europeisk og amerikanske kulturhistorie og moderne populærkultur. Skikkelsen blir gjerne framstilt som eit uhyggeleg, menneskjeskjelett i kappe med ein ljå. Ljåen skal vera eit symbol på at døden haustar inn liv og sjeler slik som ein bonde skjærer gras og korn utan å spare nokon. Skikkelsen kan òg bli skildra som ein dødsengel med store, fjørkledde venger.
.jpg)
Det finst ei mengde andre personifikasjonar av døden i mytologi, religion og folketru, slik som Atropos og Thanatos i gresk mytologi, Morana i slavisk mytologi, Azrael i jødedommen, islam og sikhismen, dødsguden Yama i hinduismen og japanske shinigamiar.
I populærkultur endre
Døden blir framstilt på mange område i populærkultur, slik som teikneseriar, tv-seriar, dataspel, film og litteratur.
Døden er ein karakter i båe Marvel Comics og DC Comics. Når det gjeld dataspel er døden tilstede som karakter i dei fleste Castlevania-spel, og ein kan spela døden som hovudkarakter i Darksiders 2 frå 2012. I The Sims-serien kan ein snakka og ha samhandling med mannen med ljåen når han kjem for å ta med seg avdøde sims-karakterar.
Handlinga i Harry Potter og dødstalismanene frå 2007, den siste boka i J.K. Rowling sin Harry Potter-serie, har handling rundt eit eventyr med namn «Historia om dei tre brørne», der døden møter tre trollmannsbrør og gir dei ein gåve kvar, i håp om å gjere krav på dei.
Døden er også vist i manga- og anime- serien Death Note som Shinigami (Døden i japansk mytologi).
Kjelder endre
- Denne artikkelen bygger på «Death (personification)» frå Wikipedia på engelsk, den 7. oktober 2015.
- Denne artikkelen bygger på «Mannen med ljåen» frå Wikipedia på bokmål, den 7. oktober 2015.
