Manuel Neuer

tysk fotballspelar

Manuel Neuer (fødd 27. mars 1986 i Gelsenkirchen i Nordrhein-Westfalen) er ein tysk fotballspelar som har spela som keeper for Bayern München i tysk Bundesliga. Han har òg landskampar for Tyskland. Fram til han gjekk til Bayern München i 2011, spelte han heile karrieren sin for Schalke. Han vart seriemeister med Bayern München i 2013 og 2014, vann den europeiske [[Meisterligaen i 2013 og VM for klubblag same året. I 2007 vart han kåra til beste keeper i Bundesliga og i 2011 til årets spelar i Tyskland. Han var med på å vinna U21-EM med Tyskland i 2009, og vart òg kåra til beste keeper i turneringa. Neuer debuterte for Tyskland sitt A-landslag 2. juni 2009 i ein privatlandskamp mot Dei sameinte arabiske emirata. Då Tyskland sin andrekeeper Robert Enke brått døydde i november same året vart Neuer andreval for det tyske landslaget. I 2010 vart han førstekeeperen til Tyskland under fotball-VM i Sør-Afrika då førstevalet René Adler vart skada før turneringa.

Manuel Neuer
Personleg informasjon
Fødd 27. mars 1986 (37 år)
Fødestad Gelsenkirchen
Høgd 192 cm
Posisjon Keeper
Klubbinformasjon
Noverande lag
Bayern München
Nummer 1
Ungdomsklubbar
1991-2004 Tyskland Schalke 04
Seniorkarriere*
År Lag Kampar (Mål)
2005-11
2011-
Tyskland Schalke 04
Tyskland Bayern München
156 (0)
95 (0)
Landslag
2006-09
2009-
Tyskland Tyskland U21
Tyskland Tyskland
20 (0)
45 (0)
* Seniorklubbkampar og mål berre telt for nasjonal liga og oppdatert 10. mai 2014
‡ Landslagsmål oppdatert 5. mars 2014