Martin Buß

Martin Buß (fødd 7. april 1976) er ein tysk tidlegare friidrettsutøvar frå Berlin som tevla i høgdehopp. Han vart verdsmeister i øvinga i 2001, to år etter han tok bronsemedaljen i den førre verdsmeisterskapen. Vinnarhoppet på 2,36 meter under VM i Edmonton er hans beste høgdehopp nokon gong.

Martin Buß
Statsborgarskap	Tyskland
Fødd	7. april 1976 (48 år) Berlin
Idrett	friidrett

Aktiv

Buß kom på niandeplass i sitt fyrste VM i Aten i 1997. To år seinare ved VM 1999 i Sevilla hoppa han 2,32 m og tok bronse bak russiske Vjatsjeslav Voronin (2,37 m) og Mark Boswell (2,35 m) frå Canada.

Grunna skade gjekk Buß glipp av sommar-OL 2000 i Sydney. Året etter vann han gullmedaljen under verdsmeisterskapen 2001 i Edmonton med eit hopp på 2,36 m, framom russarane Vjatsjeslav Voronin og Jaroslav Rybakov som begge fekk sølv med 2,33 m.

Buß var skadd også under OL 2004 i Aten og la sidan opp.

Medaljar og plasseringar i internasjonale meisterskap

• VM 1997 i Aten: Nr 9 – 2,29 m
• EM 1998 i Budapest: Nr 4 – 2,32 m
• VM 1999 i Sevilla: Bronsemedalje – 2,32 m, framom Dragutin Topić(2,32 m)
• VM 2001 i Edmonton: Gullmedalje 2,36 m, framom to sølvvinnarar (2,33 m)
• EM 2002 i München: Nr 7 – 2,25 m

Kjelder

• Denne artikkelen bygger på «Martin Buß» frå Wikipedia på tysk, den 10. september 2014.