Martina Hellmann
Martina Helga Hellmann, opphavleg Martina Helga Opitz, (fødd 12. desember 1960) er ein tysk tidlegare friidrettsutøvar frå Leipzig i Sachsen som representerte Aust-Tyskland i diskoskasting. Ho vart verdsmeister i øvinga i 1983 og 1987, og olympisk meister i 1988.
| Martina Hellmann | |
|
| |
| Statsborgarskap | Tyskland, Den tyske demokratiske republikken |
| Fødd | 12. desember 1960 (63 år) Leipzig |
| Idrett | friidrett |
| Tok del i |
athletics at the 1988 Summer Olympics – women's discus throw, athletics at the 1992 Summer Olympics – women's discus throw |
| Utmerkingar |
Fedrelandets fortjenstorden i gull |
Aktiv endre
Martina Opitz begynte å konkurrere i diskos som 16-åring. I 1977 sette ho verdsrekord for 16-åringar med eit kast på 55,00 meter. Dei neste åra var ho plaga av sjukdom og skadar, derfor kom VM-triumfen i 1983 noko overraskande. Etter å ha vunne bronsemedaljen under EM 1986, forsvarte ho VM-tittelen i 1987 med eit kast på heile 71,62 m i Roma. Like før VM sette ho i Potsdam personleg rekord med 72,92 meter.
I dei olympiske leikane 1988 i Seoul kasta Hellmann opp mot sitt aller beste og vann diskostevlinga med eit kast på 72,30 m, ein liten halvmeter framfor sin argaste konkurrent, landskvinna Diana Gansky. To år etter kopierte Hellmann prestasjonen i forrige EM og vann ein ny EM-bronse, få centimeter bak sølvmedaljøren.
Hellmann la opp i 1992.
Medaljar og plasseringar i internasjonale meisterskap endre
- VM 1983 i Helsinki: Gullmedalje – 68,94 m, framom Galina Murašova (67,44 m)
- EM 1986 i Stuttgart: Bronsemedalje – 67,26 m
- VM 1987 i Roma: Gullmedalje – 71,62 m, framom Diana Gansky (70,12 m)
- OL 1988 i Seoul: Gullmedalje – 72,30 m, framom Diana Gansky (71,88 m)
- EM 1990 i Split: Bronsemedalje – 66,66 m, bakom Olga Tsjernjavskaja (66,72 m)
- VM 1991 i Tokyo: Nr 4 – 67,14 m
- OL 1992 i Barcelona: Utslått i kvalifiseringa (nr 14 – 60,52 m)
Kjelder endre
- Denne artikkelen bygger på «Martina Hellmann» frå Wikipedia på tysk, den 13. august 2016.