Megameter

Megameter er ei SI-avleidd eining for måling av avstand. Éin megameter er lik 10⁶ meter, éin million meter. Symbolet for megameter er Mm.

• Avstanden i luftlinje frå Oslo til Narvik er om lag 1 Mm.
• Jorda sin ekvatorialdiameter er 12,76 Mm.
• Den gjennomsnittlege avstanden frå Jorda til Månen er 384,4 Mm.
• Jupiter sin ekvatorialdiameter er 143 Mm.

Megameter vert i praksis lite brukt sidan måleininga er for stor for gjenstandar på jorda. Innan astronomien vert Mm noko brukt til t.d. å oppgi avstanden frå ein planet til planeten sine månar. Det er òg fare for forveksling med millimeter (mm) ettersom mange feilaktig skriv SI-prefikset M (mega) som m (milli).

1 megameter er lik:

• 10⁶ meter
• 1000 kilometer
• 0,001 gigameter

Og motsett:

• 1 kilometer = 0,001 megameter
• 1 gigameter = 1000 megameter