Michelle Obama
Michelle LaVaughn Robinson Obama[1] (fødd 17. januar 1964) er ein amerikansk advokat og samfunnsaktivist. Ho var førstedame i USA i åra 2009-2017.
| Michelle Obama | |||
 | |||
| Fødd | 17. januar 1964 (60 år) Chicago | ||
|---|---|---|---|
| Statsborgar av | USA | ||
| Parti | Det demokratiske partiet i USA | ||
| Yrke | advokat, skribent, politikar, podkastvert | ||
| Institusjonar | Princeton University | ||
| Utdanna ved | Princeton University Whitney M. Young Magnet High School Harvard Law School Woodlawn High School Livingston High School Marymount University | ||
| Mor | Marian Shields Robinson | ||
| Far | Fraser C. Robinson III | ||
| Ektefelle | Barack Obama | ||
| Barn | Malia Obama, Sasha Obama | ||
| Medlem | National Honor Society Trinity United Church of Christ American Academy of Arts and Sciences | ||
| Verv | 2009–2017 | ||
| Alle verv |
| ||
Ho er ektefellen til tidlegare president Barack Obama. Dei gifta seg i oktober 1992 og har to døtrer. Då han tiltredde som president 20. januar 2009 vart Michelle Obama USAs første afroamerikanske førstedame, og den første av slave-herkomst.
Obama er fødd og oppvakse i ein arbeidarklassefamilie i bydelen South Side i Chicago. Faren Fraser Robinson (1935–1990) jobba som pumpearbeidar i det kommunale vassverket i Chicago. Mora Marian Shields (1937–) jobba som sekretær. Michelle Obamas første kjende forfar var tippoldefaren hennar på farssida, Jim Robinson, som var ein slave på plantasjen Friendfield i Georgetown i Sør-Carolina, der delar av familien hennar framleis bur.
Ho er utdanna ved Princeton University og Harvard Law School. Ho byrja karrieren sin i advokatfirmaet Sidley Austin, der ho trefte den kommande ektemannen sin. Ho vart så rekruttert til ei stilling i borgarmeister Richard M. Daleys stab. Ho har òg arbeidd for University of Chicago og University of Chicago Hospitals.
Som førstedame fungerte Obama som eit førebilete for kvinner og jobba som talsperson for fattigdomsmedvit, utdanning, ernæring, fysisk aktivitet og sunn mat. Ho støtta amerikanske designarar og vart sett på som eit moteikon.[2][3]
Kjelder endre
- ↑ «First Lady Michelle Obama», whitehouse.gov (på engelsk), 23. desember 2014, henta 1. november 2021
- ↑ Donahue, By Wendy, «Michelle Obama emerges as an American fashion icon», chicagotribune.com, henta 1. november 2021
- ↑ https://www.washingtontimes.com, The Washington Times, «Michelle Obama settling in as a role model», The Washington Times (på engelsk), henta 1. november 2021
- Denne artikkelen bygger på «Michelle Obama» frå Wikipedia på bokmål, den 1. november 2021.
Bakgrunnsstoff endre
|
Originaltekst av Michelle Obama ved Wikisource. |