Munster

Munster (irsk Cúige Mumhan, An Mhumhain eller Mumha) er ein av dei fire provinsane på Irland. Han er den sørlegaste av dei fire og ligg i Republikken Irland. Han består av grevskapa Clare, Cork, Kerry, Limerick, Tipperary og Waterford. Namnet kjem frå den keltiske gudinna Muma.

Munster
Cúige Mumhan An Mhumhain
provins
Flagg
Land	Irland
Areal	24 607,52 km²
Folketal	1 246 088 (2011)
Munster 52.25°N 9°W / 52.25; -9
Kart som viser Munster. Kart som viser Munster.
Wikimedia Commons: Munster, Ireland

Provinsen var opphavleg delt inn i seks regionar: Tuadh Muman (Nord-Munster), Des Mhuman (Sør-Munster), Urh Mhuman (Aust-Munster), Iar Mhuman (Vest-Munster), Ernaibh Mhuman (Ernaistammen sitt område) og Deisi Mhuman (Deisistammen sitt område). Desse vart etter kvart overtatt av tre kongedøme som utvikla seg i provinsen: Thomond i nord, Desmond i sør og Ormond i aust. Desse vart etter kvart til jarledøme. For det historiske irske kongedømet Munster, sjå Mumu.

Dei tre kronene i flagget representerer dei tre kongedøma. Flagget kan lett forvekslast med Dublin sitt flagg, som har tre slott plassert på liknande måte på ein blå bakgrunn.

Byar

Cork er den største byen i provinsen. Andre viktige byar er Limerick og Waterford.

Kjelder

• Denne artikkelen bygger på «Munster» frå Wikipedia på engelsk, den 25. oktober 2007.

Bakgrunnsstoff

Commons har multimedium som gjeld: Munster