Mysore
Mysore (kannada ಮೈಸೂರು maisūru) er ein by i den indiske delstaten Karnataka, og er kjend som den kulturelle hovudstaden til staten. Byen var hovudstaden til Mysoreriket fram til 1948, då riket blei innlemma i den sjølvstendige staten India. Mysore var også det gamle namnet til Karnataka.
| Mysore | |||
| by | |||
.jpg) | |||
| Land |  India
| ||
|---|---|---|---|
| Areal | 152 km² | ||
| Folketal | 920 550 (2011[1]) | ||
 Mysore 12°18′31″N 76°39′11″E / 12.308611111111°N 76.653055555556°E | |||
| Wikimedia Commons: Mysore | |||
Mysore er best kjent for universitetet, kulturlivet, museum og palass, og for mysore pak, ein smuldrete søtsak som er svært populær i Sør-India.
Kommunikasjon endre
Mysore har motorveg og jarnbaneliner til Bangalore som har vidare samband med Chennai i sør og Mumbai i nordvest. Den nye motorvegen har korta ned den 135 km lange reisa mellom byane frå rundt tre timar til halvparten. Fleire statsvegar bind Mysore saman med andre byar i området.
Namnesoge endre
Ei legende fortel at området rundt Mysore ein gong høyrde til demonkongen Mahisha Asura, som blei så mektig at han truga heile verda. Gudinna Tsjamundesjvari slost mot han i ti blodige dagar og fridde verda frå han. Namnet hans sat likevel igjen på byen som Mahisuru, sett saman av Mahisha og uru, 'by'. Namnet blei forkorta gjennom bruk og deretter anglifisert til Mysore.
Denne forteljinga er svært viktig innan hindumytologi, og tempelet til Tsjamundesjvari på toppen av Chamundifjella i byen er ein viktig valfartsstad. Under navaratrihøgtida kvart år feirar ein sigeren over demonen.
Kjelder endre
- Denne artikkelen bygger på «Mysore» frå Wikipedia på engelsk, den 27. oktober 2005.
- Fotnotar
- ↑ «Table 2: PR cities 1 lakh and above» (XLS). Provisional Population Totals, Census of India 2011. Registrar General and Census Commissioner of India. Arkivert frå originalen den 1. april 2012. Henta 3. mars 2012.
