Nadezjda Tsjizjova

Nadezjda Vladimirovna Tsjizjova (fødd 29. september 1945) er ein russisk tidlegare friidrettsutøvar frå Usolje-Sibirskoje i Irkutsk oblast i Russland. Ho tevla for Sovjetunionen og vart både olympisk og firfaldig europeisk meister i kulestøyt.

Nadezjda Tsjizjova
Fødenamn	Надежда Владимировна Чижова
Statsborgarskap	Sovjetunionen
Fødd	29. september 1945 (79 år) Usolje-Sibirskoje
Idrett	friidrett
Tok del i	Sommar-OL 1976, Sommar-OL 1972, Sommar-OL 1968
Utmerkingar	Arbeidets røde fanes orden, Ordenen folkenes vennskap, Idrettens mester i Sovjetunionen, Æresordenen

Aktiv

Tsjisjova dominerte kulestøyt-øvinga frå midten av 1960-talet til midt i 1970-åra. Ho forbetra verdsrekorden ni gongar og vart europameister fire gongar på rad; 1966, 1969, 1971 og 1974.

Under dei XIX. olympiske sommarsleikane 1968 i Mexico-byen fekk ho bronsemedaljen bakom dei to austtyskarane Margitta Gummel, gullmedaljør, og Marita Lange på sølvplass. Fire år seinare var Tsjisjova i toppform og tok OL-gullet i kulestøyt under OL 1972 i München, framom Margitta Gummel (sølv) og bulgarske Ivanka Khristova (bronse). I 1976 avslutta ho si tid som aktiv med å ta ein sølvmedalje under dei XXI. olympiske sommarleikane i Montréal, gullet gjekk til Khristova med Helena Fibingerová frå Tsjekkoslovakia fekk bronse.

Kjelder

• Denne artikkelen bygger på «Nadeschda Wladimirowna Tschischowa» frå Wikipedia på tysk, den 25. august 2014.