Narkval

Status i verda: NT Nær truga
Status i Noreg: EN Sterkt truga

Narkval

Foto: Glenn Williams

Systematikk
Domene: Eukaryota
Rike: Dyr
Rekkje: Ryggstrengdyr
Underrekkje: Virveldyr
Klasse: Pattedyr
Orden: Kvalar
Underorden: Tannkvalar
Familie: Narkvalfamilien
Slekt: Monodon
Art: M. monoceros
Vitskapleg namn
Monodon monoceros

Narkval, Monodon monoceros, er ein tannkval i narkvalfamilien. Narkvalen er kjend for den lange og spydliknande spiralsnodde, framoverretta støyttanna (eigenleg den eine hjørnetanna) som hanndyra har.

Utbreiingsområdet til narkvalen

Narkvalen lever i arktiske farvatn, hovudsakleg frå Canada austover til austlege delar av Sibir, og vert jamleg observert i nordaustlege Svalbard.[1] Den totale bestanden er truleg over 80 000 dyr. Det vert driven fangst på narkval av inuittar i Canada og på Grønland.[2]

Namnet "narkval" kjem frå norrønt náhvalr, som tyder "likkval".[3] Den lange, spiralsnodde støyttanna vart i mellomalderen likna med hornet i panna på det fabeldyret som vart kalla einhyrning, og ofte selt til uvitande som einhyrningshorn.


FotnotarEndra

  1. Artsdatabanken.no
  2. The IUCN Red List of Threatened Species på engelsk
  3. Nynorskordboka

KjelderEndra

  Wikimedia Commons har multimedia som gjeld: Narkval