Nintendo 3DS
Nintendo 3DS (ニンテンドー3DS) er ein handhalden spelkonsoll produsert av Nintendo. Masinen kan gje ein 3D-effekt frå den øvste skjermen med hjelp av autostereoskopi, dette utan at ein treng spesialbriller.[1] Nintendo 3DS er kompatibel med programvare frå Nintendo DS-serien, inkludert Nintendo DSi-programvare.[1] Konsollen vart annonsert mars 2010 og offisielt avduka under E3-messa i juni same året.[1][2] Nintendo 3DS er etterfylgjaren til Nintendo DS-serien av handhaldne spelkonsollar.
Konsollen vart lansert 26. februar 2011 i Japan, 25. mars 2011 i Europa og 27. mars 2011 i Nord-Amerika.[3][4] Nintendo annonserte 28. juli 2011 at dei ville redusera prisen på Nintendo 3DS. Priskuttet tredde i kraft 12. august 2011, og dei som hadde kjøpt konsollen til den opphavlege prisen fekk 10 gratis Nintendo Entertainment System-spel og 10 gratis Game Boy Advance-spel gjennom tenesta Nintendo eShop.[5]
Nintendo har den 30. juni 2012 selt 19 millionar 3DS-konsollar. Av dette 6,76 millionar i Japan og 6,41 millionar i Nord-Amerika.[6] Ein ny versjon av konsollen, kalla Nintendo 3DS XL, vart annonsert 21. juni 2012. Denne har 90 % større skjermar enn den originale versjonen.
Kjelder endre
- Denne artikkelen bygger på «Nintendo 3DS» frå Wikipedia på engelsk, den 11. mars 2011.
- Wikipedia på engelsk oppgav desse kjeldene:
- ↑ 1,0 1,1 1,2 «Launch of New Portable Game Machine» (PDF). Nintendo. 23. mars 2010. Henta 23. mars 2010.
- ↑ Tabuchi, Hiroko (March 23, 2010). «Nintendo to Make 3-D Version of Its DSi Handheld Game». Arkivert frå originalen 16. januar 2010. Henta 24. april 2010. «It takes place June 15~17, 2010, at the Los Angeles Convention Center.»
- ↑ «Nintendo's 3DS Hits the U.S. On March 27 for $249.99». Kotaku.com. 19. januar 2011. Henta 7. juli 2012.
- ↑ «Nintendo's 3DS Hits Europe On March 25». Kotaku.com. 19. januar 2011. Henta 7. juli 2012.
- ↑ «What Do You Think About Nintendo's Big 3DS Announcement?». IGN DS. IGN. July 28, 2011. Henta 28. juli 2011. «In an astounding and unexpected set of announcements, Nintendo took a huge leap in righting the wrongs of the 3DS' shaky launch. The system, which released in the US on March 27 with a hefty $250 dollar price tag, will see a massive price cut to $170 come August 12.»
- ↑ «Consolidated Sales Transition by Region» (PDF). Nintendo. 24. juli 2012. Arkivert frå originalen (PDF) 21. desember 2012. Henta 26. juli 2012.