Ola Hansson Kveli (23. april 192122. april 2003) var ein norsk gardbrukar og politikar, fødd og død i Nordli i Nord-Trøndelag. Han var ordførar 1952-65, stortingsrepresentant 1965-73 og fylkesmann 1979-91.

Ola H. Kveli
Fødd23. april 1921
Nordli kommune
Død22. april 2003 (81 år)
Statsborgar avNoreg
PartiVenstre, Det Liberale Folkepartiet (1972; 1988)
Yrkepolitikar, bonde, embetsmann
Alle verv

Kveli var son til ein gardbrukar og gjekk fjellbygdskule i 1936 og Mære landbruksskole 1941-43. Han arbeidde som skogsarbeidar og var ei tid skogkjøpar for det svenske selskapet Kramfors.

30 år gammal vart Kveli vald til ordførar i Nordli og leidde kommunen 1952-63. 1964-65 var han ordførar i den nye Lierne kommune, som omfatta tidlegare Nordli og Sørli. I hans tid som ordførar bygde kommunen ut skulestellet og kraftforsyninga. Nordli kommune var òg tidleg ute med å setje vegbygginga ut på tilbod.

Frå 1961 til -69 var Kveli 1. vararepresentant til Stortinget frå Nord-Trøndelag. Då Bjarne Lyngstad var statsråd hausten 1963 og i valperioden 1965-69, møtte Kveli fast på Tinget. Hausten 1969 vart Kveli vald inn på Stortinget for Venstre, der han var ein sterk talsmann for distrikts-Noreg. Då Venstre vart splitta på sitt landsmøte på Røros i november 1972, fylgde Kveli mindretalet som braut ut og danna Det Nye Folkepartiet. Han var medlem i Militærkomitéen/Forsvarskomitéen 1965-69 og i Industrikomitéen 1969-73. Ved stortingsvalet 1973 var Kveli Det Nye Folkepartiets sin fyrstekandidat i Nord-Trøndelag, men mangla mykje på stortingsplass. I staden var han organisatorisk nestformann i partiet 1973-74 og generalsekretær 1974-75.

Kveli var kontorsjef i Røyrvik kommune 1975-79 og fylkesmann i Nord-Trøndelag 1979-91.

Kveli var mellom anna styremedlem i Nord-Trøndelag Elektrisitetsverk 1956-79, styreformann i Øvre Namdal skogindustri A/S 1966–67, styreformann i Nord-Trøndelag landbruksselskap 1976–79, medlem av Midtnorsk oljeråd 1980–83, medlem i Statens naturvernråd 1981–86, leiar i Forurensningsrådet 1984–91, leiar i Det Norske Totalavholdsselskap (DNT) og lokallagsleiar i Det frivillige Skyttervesen.

Kjelder endre