Olai Lorange
Olai Lorange (22. juli 1876–22. desember 1965) var ein norsk lege frå Høland i Akershus og mangårig sjefsinspektør i Arbeidstilsynet.
Olai Lorange | |||
| |||
Fødd | 22. juli 1876 | ||
---|---|---|---|
Død | 22. desember 1965 | ||
Nasjonalitet | Noreg | ||
Yrke | lege | ||
Barn | Grete Lorange Backer |
Etter examen artium 1895 og cand.med. 1903 jobba Lorange under distriktslege Parelius i ytre Romsdal. Der etter arbeidde han 1903-05 på kommunale sjukehus i Kristiania og 1905-07 var han assisterande lege ved tuberkuloseheimen Reknes sanatorium i Molde. Frå våren 1907 hospiterte han ved Charite sin poliklinikk for lungesjuke i Berlin. I 1908 var Lorange tilbake i Romsdal, då som kommunelege i Grytten og Hen herad til 1912. Sidan var han reservelege i tre år ved epidemiavdelinga på Ullevål sjukehus i Kristiania. Som spesialist på epidemiske sjukdommar reiste han våren 1916 på eit offentleg oppdrag til krigsfronten i Frankrike.
Frå 1916 til 1946 var Lorange nasjonal sjefsinspektør for det stadlege fabrikktilsynet (Arbeidstilsynet). I den eigenskap skreiv han ei mengd lærde artiklar om arbeidshygiene og måtar å verne seg mot smitte og sjukdom.
Under andre verdskrigen vart Lorange arrestert for å ha drive med den illegale avisa Vi vil oss et land.
Kjelder endre
- Denne artikkelen bygger på «Olai Lorange» frå Wikipedia på bokmål, den 28. juni 2018.