Olav Åm
Olav Åm (8. januar 1918–25. mai 2009) var ein norsk skulestyrar og skuledirektør. Han var frå Vindafjord, og busett mellom anna i Leikanger.
| Olav Åm | |
| Statsborgarskap | Noreg |
| Fødd | 8. januar 1918 |
| Død | |
| Yrke | skuleleiar, lyrikar, faglitterær forfattar, fylkesskolesjef |
Åm hadde eksamen frå Volda Lærarskule 1941, og i 1941-1942 arbeidde han som lærar i Audnedal og Hegebostad i Vest-Agder. Han var styrar ved framhaldsskulen i Årdal 1942-1943 og rektor ved Årdal Realskule 1943-1945. Frå 1945-1956 var han rektor ved Oppdal kommunale realskole. Frå 1956 vart Åm ein av pionérane ved innføring av 9-årig skule i Norge ved at han vart styrar for ein slik forsøksskule i Ørsta. Liknande forsøksskular kom samstundes i gang i Sykkylven og Malm i Trøndelag.
Åm var skuledirektør i Sogn og Fjordane 1963-1985. Han var 1965-1970 medlem av Steen-komitéen som greidde ut reformer i den vidaregåande skulen i Norge, der tidlegare gymnas og yrkesskular vart integrerte.
I 1969 la han som skuledirektør i Sogn og Fjordane fram den første planen i landet basert på det nye skulemønsteret.
Olav Åm har vore ein skatta foredragshaldar og kåsør. Saman med Gunnar Mjaaland skreiv han Matematikk for ungdomsskulen (første utgåva 1965–69), var redaktør for nynorskdelen i Hermes Leksikon (Hermes Forlag 1979) som var det første leksikon med både nynorsk- og bokmålstekst. I 1999 gav han ut diktsamlinga «Fykande frø» – gjeven ut som lydbok i 2005 der Åm sjølv les dikta. (Skald Forlag).
I 2002 vart han tildelt Målrosprisen av Sogn og Fjordane mållag og i februar 2003 vart han heidra med Kongens fortenestemedalje i gull.
Olav Åm var far til komponisten Magnar Åm.
Bibliografi endre
Bøker endre
- 1965 – Matematikk for ungdomsskulen. 1 : 7. skuleår (Oslo) I fulltekst ved nb.no [Av Olav Åm og Gunnar Mjaaland]
- 1965 – Matematikk for ungdomsskolen. 1 : 7. skuleår (Oslo: Cappelen) I fulltekst ved nb.no [Av Olav Åm og Gunnar Mjaaland]
- 1966 – Matematikk for ungdomsskolen. 2 : 8. skoleår (Oslo: Cappelen) I fulltekst ved nb.no [Av Olav Åm og Gunnar Mjaaland]
- 1966 – Matematikk for ungdomsskulen. 2 : 8. skoleår (Oslo: Cappelen) I fulltekst ved nb.no [Av Olav Åm og Gunnar Mjaaland]
- 1968 – Matematikk for ungdomsskolen. 3 : 9. skoleår (Oslo: Cappelen) I fulltekst ved nb.no [Av Olav Åm og Gunnar Mjaaland]
- 1969 – Matematikk for ungdomsskulen. 3 : 9. skoleår (Oslo: Cappelen) I fulltekst ved nb.no [Av Olav Åm og Gunnar Mjaaland]
- 1976 – Matematikk for ungdomsskolen. 1 : 7. skoleår : Fasit til Åm og Mjaaland Matematikk 1 for 7. skoleår (Oslo: Cappelen). ISBN 8202010438 I fulltekst ved nb.no [Av Olav Åm og Gunnar Mjaaland]
- 1999 – Fykande frø (Leikanger: Skald). ISBN 82-992915-9-3 I fulltekst ved nb.no
Lydbøker endre
- 2005 – Fykande frø (Leikanger: Skald). ISBN 978-82-795906-6-8 [Olav Åm les sjølv]