Olav Hansson

Olav David Hansson (fødd 23. juli 1957) er ein tidlegare skihoppar frå Røa i Oslo. Under Ski-VM 1982 i Oslo hadde Hansson sin store meisterskap. Han vann sølvmedaljen i storbakkerennet i Holmenkollen, og var med på å vinne laghoppinga saman med Johan Sætre, Per Bergerud og Ole Bremseth. I normalbakken hamn han på sjuandeplass. Han var medlem av Røa Idrettslag.

Olav Hansson
Statsborgarskap	Noreg
Fødd	23. juli 1957 (67 år) Oslo
Idrett	skihopping

Karriere

Hansson studerte i unge år i USA og vart ikkje lagd merke til i hoppbakken før enn i 1981. Sesongen etter høyrde han heime mellom dei beste hopparane verda, det vart òg hans beste sesong. Han lukkast aldri å vinne eit stort renn. Elleve gonger kom han på pallen i verdscupen; åtte andreplassar og tre tredjeplassar. Fleire gonger var han nær siger, som under skiflygingsrennet i Vikersund 20. februar 1983. Der enda han eit halvt poeng bak Matti Nykänen. Også i NM-tevlingane måtte Hansson nøye seg med sølv- og bronsemedaljar, høvesvis tre sølv og to bronse. Nærast NM-gull var han under storbakkerennet på Lillehammer i 1983. Med 270,8 poeng var han 0,6 poeng bak noregsmeisteren, Per Bergerud.

Besteplasseringar i internasjonale meisterskap og renn

• 1982: VM-sølv i Holmenkollen og 2. plass i Štrbské pleso
• 1983: Fem andreplassar (Cortina d'Ampezzo, Bischofshofen, Thunder Bay, Vikersund, Bærum) og tre tredjeplassar
• 1985: Nr 7 i Cortina d'Ampezzo
• 1986: Nr 11 Holmenkollen
• 1986/87: Nr 2 i Chamonix

Medaljar og besteplasseringar i noregsmeisterskap

• Ski-NM 1981: Nr 9 i normalbakken i Rælingen
• Ski-NM 1982: Sølvmedalje i storbakken på Rena, bronsemedalje i normalbakken på Raufoss
• Ski-NM 1983: Sølvmedalje i begge bakkane; høvesvis Mo i Rana og Lillehammer
• Ski-NM 1986: Nr 4 i normalbakken på Vang
• Ski-NM 1987: Bronsemedalje i normalbakken i Sprova

Hansson la opp skihoppinga i 1987.

Kjelder

• Sportsboken, aktuelle årgangar

Bakgrunnsstoff

• (en) Olav Hansson – Profil og resultatoversikt hos FIS