Ole Olsson Fidje

Ole Olsson Fidje (1780–2. april 1860) var ein norsk lærar, gardbrukar og stortingsmann frå Finsland i Vest-Agder.

Ole Olsson Fidje
Fødd	27. juli 1780 Finsland
Død	2. april 1860 (79 år)
Statsborgar av	Noreg
Yrke	lærar, bonde, politikar
Alle verv	stortingsrepresentant (1833–1835) vararepresentant til Stortinget (1827–1829) vararepresentant til Stortinget (1836–1838)

Far hans var gardbrukar i Finsland. I yngre år var Ole skulehaldar. Han kjøpte så eit bruk på garden Fidje i Greipstad sokn i Søgne, og dreiv dette til han døydde. Fidje var 3. representant for Lister og Mandals amt på Stortinget i 1833. Der var han medlem av komiteen for gasjer, pensjonar, budsjett- og skattestell. Både i 1827 og 1836 var han 3. varamann til Stortinget. Perioden 1837-41 var han medlem av heradsstyret i Søgne.

Fidje døydde på garden sin i 1860.

Kjelder

• Lindstøl, Tallak: Stortinget og Statsraadet 1814-1914. Kristiania, 1914
• Biografisk informasjon om Ole Olsson Fidje NSD Norsk senter for forskningsdatas politikararkiv