Oppdal kyrkje
Oppdal kyrkje er ei krosskyrkje i Vangslia, vest for Oppdal sentrum (Trøndelag).
| Oppdal kyrkje | |||
| Oppdal kyrkje | |||
 Foto: Kirkenorge.no
| |||
| Kyrkjesamfunn | Den norske kyrkja | ||
|---|---|---|---|
| Bispedøme | Nidaros | ||
| Prosti | Gauldal | ||
| Sokn | Oppdal | ||
| Fellesråd | Oppdal | ||
| Type | Krosskyrkje | ||
| Arkitekt | Ole Jonsen Hindrum og Nils Olsen | ||
| Teknikk | Lafteverk | ||
| Material | Tre | ||
| Innvigd | 12. mars 1651 | ||
| - Endringar | M.a. 1674, 1684, 1884, 1951–53, 2008–14 | ||
| Takryttar | Over krysset | ||
| Klokker | 2: 1690 (Gerit Schimmel) og 1767 (Arent Hedemark / Torsten Øen) | ||
| Kyrkjegard | Ved kyrkja | ||
| Preikestol | Jens Nielsen og Niels Nielsen, med evangelistbilete | ||
| Døypefont | 1932 | ||
| Altartavle | Jens Nielsen, 1649 (bilete måla av Niels Nielsen, 1669) | ||
| Orgel | Marcussen & Søn, 2011 | ||
| Sitjeplassar | 450 | ||
| Diverse | Fleire epitafi og portrettmåleri | ||
 Oppdal kyrkje 62°36′27″N 9°38′43″E / 62.6075°N 9.6452°E | |||
| Wikimedia Commons: Oppdal kyrkje | |||
Det stod ei stavkyrkje vigsla til den heilage Edmund på staden i mellomalderen. Dagens kyrkje vart oppført av byggmeistrane Ole Jonsen Hindrum og Nils Olsen og innvigd 12. mars 1651. Det er ei lafta krosskyrkje. Det har gjennom historia vore mange problem med takryttaren, som er for tung for konstruksjonen. Fundamentet vart forsterka i 1674, men det har ikkje vore nok.
Kyrkja har våpenhus på vestre og nordre krossarm og sakristi i aust samt gallerioppgang i hjørnet mellom nordre og austre. I vest er eit dåpsventerom i stavverk frå slutten av 1100-talet som skal ha vore ein del av Edmundskyrkja.
Kyrkja har hatt utvendig panel sidan 1684. I 1884 vart også innerveggane kledd med panel, og kyrkja vart pussa opp etter samtidas smak. Så vart ho restaurert på 1950-talet. I 2008–14 har kyrkja vorte omfattande restaurert etter å ha vore angripen av råte. Kyrkja er kvit i dag, men har skifta farge fleire gonger opp gjennom historia.
Prestegarden er like nord for kyrkja, og i nærområdet er eit av dei største gravfelta frå vikingtida.
Kjelder endre
- Storsletten, Ola og Havran, Jiri (2008). Kirker i Norge, bind 5: Etter reformasjonen. 1600-tallet. Oslo: ARFO. s. 258-263. ISBN 978-82-91399-15-7.
- Oppdal kyrkjelege fellesråd Arkivert 2014-02-03 ved Wayback Machine.
- Rasmussen, Alf Henry (1993). Våre kirker. Norsk kirkeleksikon. Kirkenær: Vanebo forlag. s. 245. ISBN 82-7527-022-7.
- Kyrkjesøk
Bakgrunnsstoff endre
- Oppdal historielag: Kirken på Vang
- Rennebu kirkelige fellesråd Arkivert 2014-02-03 ved Wayback Machine.
- Oppdal kyrkje i kulturminnesok.no, nettstaden til Riksantikvaren
- Oppdal kommune Arkivert 2014-02-19 ved Wayback Machine.