Peter Elieson
Peter Elieson (29. desember 1770–7. juni 1833) var ein norsk gardbrukar, embetsmann og stortingsmann.
| Peter Elieson | |
| Statsborgarskap | Noreg |
| Fødd | 29. desember 1770 |
| Død | |
| Yrke | politikar, bonde |
| Språk | norsk |
Elieson var frå Hafslund i Skjeberg i Østfold. Frå han var sju år gammal vart han oppfostra hos ein morbror, Johan Collett, i København. Han vart student i 1787 og byrja studere jus. Han gav opp studiane etter eit par års tid, og kjøpte i 1792 storgarden Evje i Rygge.
Elieson var 3. representant frå Smaalenenes amt i 1821 og på det overordentlege stortinget året etter. Både i 1821 og 1822 var han sekretær i Lagtinget. I 1821 var han medlem av 14 komitear, mellom anna av konstitusjonskomiteen og av komiteen om brennevinsbrenninga på landsbygda. Han var elles medlem av riksretten 1821-22.
I 1831 vart Elieson postmeister i Moss og busette seg der i byen. Der døydde han to år seinare. Han var far til John Elieson.
Kjelder endre
- Lindstøl, Tallak (1914). Stortinget og statsraadet: 1814-1914. Kristiania: Steen'ske bogtrykkeri. s. 211.
- Biografisk informasjon om Peter Elieson NSD Norsk senter for forskningsdatas politikararkiv