Peter Gunn Theme
«Peter Gunn» er kjenningsmelodien for TV-serien Peter Gunn, komponert av Henry Mancini.[1] Songen var opningssporet på det originale filmmusikkalbumet, The Music from Peter Gunn, som kom ut i 1959.[2] Mancini vann ein Emmy Award og to Grammy-prisar for årets album og beste arrangement.[3]
I sjølvbiografien sin, Did They Mention the Music? sa Mancini:
« 'Peter Gunn'-temaet kom meir frå rock and roll enn frå jazz. Eg brukte gitar og piano i samklang, og spelte det som i musikken er ein ostinato, som tyder obsternasig. Dette går att gjennom heile stykket, og gjev ein skummel effekt, med nokre skremande saksofonlydar og skrikande brass. Stykket har berre ein akkord og ei superenkel topplinje.»[4]
Det vart skrive tekst til songen av Jay Livingston og Ray Evans og denne vart først spelt inn i 1964 av Sarah Vaughan i eit arrangement av Bill Holman på albumet hennar Sarah Vaughan Sings the Mancini Songbook.[5] Mancini spelte òg inn ein vokal versjon kalla «Bye Bye» som finst på filmmusikkalbumet hennar Gunn...Number One! frå 1967.[6]
Trompetisten Ray Anthony gav ut den første singelversjonen av songen, på Capitol Records i 1959. Denne var arrangert av Mancini og han hadde med seg tenorsaksofonisten Plas Johnson. Singelen nådde åttandeplassen på Billboard Hot 100 og 12. plassen på R&B-lista.[7]
Andre versjonar endre
Songen er blitt spelt inn av mange andre artistar, mellom anna ein populær versjon av gitaristen Duane Eddy. Innspelinga hans av songen nådde andreplassen på singellista i Australia, sjetteplassen på UK Singles Chart og 27. plassen på Billboard Hot 100 i 1959.[8] Songen finst på albumet Especially for You frå 1959.[9] Innspelinga vrt produsert av Lee Hazlewood og Lester Sill.[10]
| Peter Gunn av Duane Eddy frå albumet Especially for You | ||
| B-side | ||
|---|---|---|
| Språk | inkje språkleg innhald | |
| Utgjeve | Juni 1959 | |
| Innspelt | Mars 1959, Audio Recorders i Phoenix | |
| Sjanger | Rockabilly | |
| Lengd | 2:23 | |
| Selskap | Jamie | |
| Komponist | Henry Mancini | |
| Tekstforfattar | ingen verdi | |
| Låtskrivar(ar) | Henry Mancini | |
| Produsent | Lee Hazlewood, Lester Sill | |
| Duane Eddy-kronologi | ||
| «The Lonely One» (1959) |
Peter Gunn | «Yep!» (1959) |
- Pete Candoli and His Orchestra gav ut songen på ein EP i 1959 kalla «Peter Gunn Cha Cha».[11]
- Ted Heath and His Music gav ut songen om B-sida til singelen «Sermonette» i 1959.[12]
- Shelly Manne spelte inn ein versjon på Shelly Manne & His Men Play Peter Gunn, som kom ut på singel i 1959.[13]
- The Kingsmen gav ut ein versjon i 1965 på albumet The Kingsmen On Campus.
- Deodato gav ut ein versjon av songen in 1976 som nådde 20. plassen på danselista, 84 plassen på Billboard Hot 100 og 96. plassen på R&B-lista.[14]
- Emerson, Lake & Palmer gav ut ein versjon på singel i 1979 i Canada.[15]
- Aretha Franklin og The Blues Brothers gav ut ein versjon av songen som ein medley med «Think» i 1980. Denne nådde 39. plassen på danselista.[16]
- Art of Noise gav ut ein versjon av songen med Eddy i 1986. Denne nådde andreplassen på dance-lista, åttandeplassen i Storbritannia, 14. plassen i Canada,[17] og 50. plassen på Billboard Hot 100.[18] Han kom ut i 1986 på albumet In Visible Silence.[19]
- Isabel Rose spelte inn ein versjon i 2014 på albumet Trouble in Paradise.[20]
I populærkulturen endre
- Songen var inspirasjon for The B-52's-songen Planet Claire, skriven i 1977 og gjeven ut på debutabumet og soms ingel i 1979. Gitaristen Ricky Wilson var ein kjend fan av Mancini.
- Versjonen til The Blues Brothers var med i filmen med same namn frå 1980.
- Songen vart nytta i det populære arcade-spelet Spy Hunter i 1983, då utviklaren Midway ikkje klarte å få rettar til å nytte James Bond-temaet. Peter Gunn-temaet vert framleis nytta i dei fleste nyutgjevingane av spelet i dag.[21]
- Ray Anthony sin originalversjon frå 1959 var med i filmen Sixteen Candles frå 1984.
- Songen vert nytta i opninga av sesong 3 av TV-serien The Sopranos, miksa med The Police-songen «Every Breath You Take» og Steely Dan sin «Dirty Work».
- Clarence Clemons spelte ein versjon av filmmusikken i 1985 i filmen Porky's Revenge
- Ein versjon av songen finst i spelet Rock n' Roll Racing.
- Songen vart nytta i Monty Python-sketsjen The Bishop i sesong 2, episode 17 av TV-serien Monty Python's Flying Circus.[22]
- Art of Noise-versjonen er blitt nytta i trailerar for fleire filmar, mellom anna animasjonsfilmen Cool World.
- I TV-serien How I Met Your Mother vart ein versjon av songen nytta i sesong fem i episoden «The Rough Patch».[23]
Kjelder endre
- Denne artikkelen bygger på «Peter Gunn (song)» frå Wikipedia på engelsk, den 13. februar 2017.
- ↑ Henry Mancini: Sounds and Scores, Northridge Music, Inc. 1973, 1986
- ↑ Liner notes to RCA album LPM/LSP-1956
- ↑ Did They Mention the Music?, Henry Mancini with Gene Lees, Published by Contemporary Books, Inc., 1989, page 236
- ↑ Did They Mention the Music?, Henry Mancini with Gene Lees, Published by Contemporary Books, Inc., 1989, s. 87
- ↑ Liner notes to Mercury Records SR 61009
- ↑ Liner notes to RCA Victor LPM/LSP-3840
- ↑ Ray Anthony and His Orchestra, «Peter Gunn» Chart Positions Henta 26. april 2014
- ↑ Duane Eddy, «Peter Gunn» Chart Positions Henta 26. april 2014
- ↑ Duane Eddy, Especially for You Henta 26. april 2014
- ↑ Duane Eddy, «Peter Gunn» single release Henta 26. april 2014
- ↑ Pete Candoli and His Orchestra, «Peter Gunn» EP release Henta 26. april 2014
- ↑ Ted Heath and His Music, «Sermonette» single release Henta 26. april 2014
- ↑ Shelly Manne and His Men, «Peter Gunn» single release Henta 26. april 2014
- ↑ Deodato, «Peter Gunn» Chart Positions Henta 26. april 2014
- ↑ Emerson, Lake & Palmer, «Peter Gunn» single release Henta 26. april 2014
- ↑ Aretha Franklin/The Blues Brothers, «Peter Gunn» Chart Position Henta 26. april 2014
- ↑ «RPM Top Singles - 12. juli 1986». Library and Archives Canada. Henta 13. februar 2017.
- ↑ Art of Noise, «Peter Gunn» Chart Positions Henta 26. april 2014
- ↑ Art of Noise, In Visible Silence Henta 26. april 2014
- ↑ «Isabel Rose Releases New Album Trouble in Paradise». Broadway Music World. 29 July 2014. Henta 13. februar 2017.
- ↑ Peter Gunn Theme Returns To Spy Hunter Henta 13. februar 2017
- ↑ The Bishop Henta 13. februar 2017
- ↑ How I Met Your Mother, «The Rough Patch» synopsis Henta 13. februar 2017.