Plattbil

Plattbil er ein lastebil med open platt. Platt utan karmar vert nytta for transport av last som er breiare enn platten. Det er da viktig at lasten vert godt sikra. Det vanlegaste er at platten har nedfellbare karmar og luke bak. Platten kan vera med eller utan tipp. Den siste typen vert òg kalla tippbil.

Volvo F88 plattbil.

Typiske oppgåver er transport av ulike typar stykkgods, sand og grus, byggenaterialar, og liknande. Plattbilar er svært fleksible og vert i nokon grad nytta til transport av tømmer, pukk, korn og anna last som normalt vert transportert med spesialbilar. Når dei vert nytta for bulklast, som til dømes korn, krevst det høge karmar med presenning over.

Mange plattbilar er utstyrte med hydraulisk kran, slik at ein ikkje er avhengig av gaffeltruck, hjullastar eller separat kran for lasting og lossing. Krana kan vera plasser mellom førarhuset og platten, eller bak platten. Den siste plasseringa har den føremonen at krana kan nyttast både for bil og hengar. Bakmonterte kraner er ofte utstyrte med snøggkoppling, slik at dei kan demonterast når dei ikkje er i bruk, slik at nyttelasta aukar.

Plattbilar er den eldste typen lastebil og i Noreg gjekk dei tidlegare ofte som leievogn.

Galleri

• 
  MAN ME 18.280 plattbil i München.
• 
  MAZ plattbil på eit frimerke.
• 
  Scania LBS 140 plattbil med løftbar boggi.
• 
  Volvo FH trekkvogn med semitrailer med open platt.
• 
  Lasting av trelast på ein plattbil; Kamaz 5410 trekkvogn med semitrailer.
• 
  Transport av mjølk på ein Austin plattbil i Finland.