PlayStation 5
PlayStation 5 (forkorta PS5) er ein spelkonsoll utvikla av Sony Interactive Entertainment. Konsollen vart annonsert i 2019 som ein oppfølgjar til PlayStation 4 og lansert den 12. november 2020 i Australia, Japan, New Zealand, Nord-Amerika, Singapore og Sør-Korea, og den 19. november 2020 i Europa.[1]
PlayStation 5   | |||
| PlayStation 5 med handkontrollen DualSense | |||
| Produsent | Sony Interactive Entertainment | ||
|---|---|---|---|
| Type | Spelkonsoll | ||
| Lansering | JP: 12. november 2020 NA: 12. november 2020 EU: 19. november 2020 | ||
| Forgjengar | PlayStation 4 | ||
| Nettstad | www.playstation.com/ps5/ | ||
Konsollen vart utgjeven i to variantar, ein grunnmodell med ein Ultra HD Blu-ray-kompatibel optisk diskstasjon, og ein digital variant som manglar denne stasjonen og fungerer som ein billegare modell for brukarar som føretrekkjer på kjøpe spel via digital distribusjon.[2]
Kjernefunksjonane til PlayStation 5 femner ein solid-state drive (SSD) som er tilpassa rask datastrøyming for å gje betre lagringsyting, ein AMD GPU som kan produsere grafikk i 4K-oppløysning og vise opp til 120 bilete i sekundet, maskinvare-aksellerert strålesporing (ray tracing) for meir realistiske lyseffektar og refleksjon, Tempest Engine for tredimensjonale lydeffektar og bakoverkompatibilitet med dei fleste titlane utgjevne til PlayStation 4 og PlayStation VR.[3]
Kjelder endre
- ↑ «PlayStation 5 innfrir på det aller meste». Tek.no. 6. november 2020. Henta 15. desember 2020.
- ↑ «PS5 specs and features, including SSD, ray tracing, GPU and CPU for the PlayStation 5 explained». Eurogamer. 19. november 2020. Henta 15. desember 2020.
- ↑ «PlayStation 5 prøver på mye nytt, og lykkes med det aller meste». Gamer.no. 6. november 2020. Henta 15. desember 2020.
