Polarreddik
Polarreddik (Eutrema edwardsii) er ein planteart i polarreddikslekta i krossblomfamilien. Han har sirkumpolar utbreiing og finst i Noreg, Russland, Mongolia, Alaska og Canada og på Grønland.[1] I Noreg er han blitt observert på Svalbard, i Tromsø og Nordland.[2]
| Polarreddik | |
| Status | |
Status i verda:  Livskraftig
| |
| Systematikk | |
| Rike: | Planteriket Plantae |
| Rekkje: | Karplantar Tracheophytes |
| Underrekkje: | Frøplantar Spermatophytes |
| Orden: | Krossblomordenen Brassicales |
| Familie: | Krossblomfamilien Brassicaceae |
| Stamme: | Eutremeae |
| Slekt: | Polarreddikslekta Eutrema |
| Art: | Polarreddik E. edwardsii |
| Vitskapleg namn | |
| Eutrema edwardsii | |
Polarreddik veks på tundra, i åssider og urer og ved breidda av bekkar og i våtområde.[1] Forma til planten kan variera mykje etter vekststad, og ein plante frå til dømes Norden kan skilja seg mykje frå ein frå Alaska.[3]
Planten blir 8–30 cm høg.[3] Blada er lanseforma eller smalt eggforma, 9–35 mm lange og 4–25 mm vide.[3] Han har blomestander som inneheld 6–14 eller fleire blomar. Han har fire kvite kronblad som er 3,2–4,5 mm lange og 1,3–1,7 mm vide og fire lilla begerblad som er 1–1,3 mm lang og 1,5–2,3 mm vide.[3]
Kjelder
endre- ↑ 1,0 1,1 Maiz-Tome, L. (2016), «Eutrema edwardsii», The IUCN Red List of Threatened Species 2016
- ↑ «Polarreddik Eutrema edwardsii R.Br.», Artsdatabanken
- ↑ 3,0 3,1 3,2 3,3 S.G. Aiken, M.J. Dallwitz, L.L. Consaul, C.L. McJannet, R.L. Boles, G.W. Argus, J.M. Gillett, P.J. Scott, R. Elven, M.C. LeBlanc, L.J. Gillespie, A.K. Brysting, H. Solstad og J.G. Harris, Flora of the Canadian Arctic Archipelago - Eutrema edwardsii R. Br., henta 27. juni 2017
Bakgrunnsstoff
endre- Skildring og bilde i Flora of the Canadian Arctic Archipelago