Portobello på New Zealand
Portobello er ein liten by ved Otago Harbour, halvvegs ute på Otago-halvøya i Dunedin City på New Zealand, ein forstad til Dunedin. Han ligg ved foten av ei lita halvøy, Portobello-halvøya, mellom Portobello Bay og Latham Bay.
| Portobello | ||
|---|---|---|
 | ||
| Styresmakter | ||
| Land Region City |
 New Zealand Otago Dunedin | |
| Geografi | ||
| Innbyggjarar[1] - Forstad (2006) |
1107 | |
| Koordinatar | 45°50′S 170°39′E / 45.833°S 170.650°E | |
| Tidssone - Ved sommartid |
+12 (UTC) +13 (UTC) | |
| Plassering | ||
  | ||
Til like med sneisevis av stadar i Dunedin, har han fått namn etter ein skotsk stad, Portobello, i Edinburgh.
I enden av Portobello Peninsula ligg ein marin forskingsstasjon, Portobello Marine Laboratory,[2] som er ein del av University of Otago. Nær enden av halvøya ligg Saint Martin's/Quarantine Island.
Portobello har eit historisk museum, restauranten «1908», ein lokal barneskule, det gamle Portobello Hotel, og fleire stadar som tilbyr overnatting, mellom desse ein campingplass. Det meste av tenestene Portobello treng, får byen frå Dunedin, som er lett tilgjengeleg på den svingete, men godt vedlikehaldne Portobello Road som går langs strandkanten. Ein meir svinget, men utsiktsvenleg veg, Highcliff Road, bind saman Portobello med bysentrum i Dunedin langs fjellryggen på halvøya.
Båtsport er historisk i Portobello.[3] Båtklubben eig leivningane av ferjekaien og ein båtslipp kort veg frå bysentrum. Tidlegare tok innbyggjarane i Portobello ferja til byen, før vegen vart opna.
Portobello Community Inc. er lokalsamfunnsgruppa som arbeider for å gjera Portobello til ein god stad for innbyggjarane.[4]
Kjelder endre
- ↑ QuickStats About Broad Bay-Portobello. Statistics New Zealand
- ↑ New Zealand Marine Studies Centre
- ↑ «Otago Harbour Boating Guide» (PDF). Otago Regional Council. 2012. Henta 20. mai 2013.
- ↑ Portobello Community.
- Denne artikkelen bygger på «Portobello, New Zealand» frå Wikipedia på engelsk, den 20. mai 2013.