Posten Noreg

(Omdirigert frå Posten Norge)

Posten Noreg AS er eit norsk heileigd statleg konsern, organisert som eit aksjeselskap som vart skipa i 2002.[7] Selskapet har ansvar for postgangen i Noreg. Konsernet driv også godsfrakt og anna. Posten er ein av dei største selskapa i Noreg med verksemd over heile landet. Tone Wille har vore konsernsjef i Posten sidan oktober 2016[8], medan Anne Carine Tanum har vore styreleiar sidan 2022.[9]

Posten Noreg


Posten Brings hovedkontor Sjå dette på Wikidata
Org.formAksjeselskap
Org.nr.984661185, 976949757,[1] 971033630
BransjePostvesen
Skipa17. januar 1647
Forgjengar(ar)Postverket
EigarNærings- og fiskeridepartementet
DotterselskapBring
HovudkontorOslo
LandNoreg[2]
Grunnleggjar(ar)Hannibal Sehested[3]
StyreleiarAnne Carine Tanum (10. mai 2022)[4]
Adm.dir.Tone Wille (10. oktober 2016)[5]
Dagleg leiarTone Wille[5]
Resultat13 000 000 norsk krone (2019)[6]
Nettstadhttps://www.posten.no/ (norsk)

Posten driv både med levering av fysiske sendingar og tilbyr elektroniske tenester, som Digipost. Leveransane kan skje både ved eigne bod og gjennom alliansepartnarar. Posten utfører tenester både for privatpersonar og føretak. Dei fleste kundane held til i Norden, men gjennom samarbeidspartnarar kan Posten tilby tenester over heile verda.

Posten Noreg er eit av dei eldste og største statlege selskapa i Noreg. Selskapet har sine historiske røter attende til det postverket som vart skipa av Kristian IV av Danmark-Noreg i 1647. Posten Noreg hadde eit postmonopol fram til 2016, på grunnlag av at ein ville ha tilnærma likt posttilbod i heile landet.[10]

 
Norsk postboks frå 2003.

Saman med dotterselskapa CityMail og CityMail Danmark deler Posten Noreg ut post til 5,2 millionar husstandar i Skandinavia, og er det nordiske postselskapet som når ut til flest medlemmar. Posten har også kjøpt opp ein god del mindre transportselskap, mellom anna NorCargo og Box, som i likskap med CityMail no opererer under namnet Bring.

Konsernet omsette i 2006 for 23,7 milliardar kroner. Verksemda utfører vel 23 000 årsverk, har 10.000 postbod og sjåførar, der 2.000 er landpostbod.

Kjelder

endre
  1. http://w2.brreg.no/kunngjoring/hent_nr.jsp?orgnr=976949757.
  2. Norsk senter for forskningsdata, Forvaltningsdatabasen ID 8608, Wikidata Q7061260 
  3. «Vår historie» (på bokmål). Posten Bring. Henta 2. juni 2023. 
  4. https://www.postennorge.no/om-oss/styring-og-ledelse/styret.
  5. 5,0 5,1 «Konsernledelsen». Henta 19. september 2020. 
  6. "Års- og bærekraftrapport 2019"; side(r): 67; fulltverk tilgjengeleg på: https://www.postennorge.no/baerekraft/posten-og-brings-arlige-baerekraftrapport/A%CC%8Ars-%20og%20b%C3%A6rekraftrapport%202019.pdf.
  7. «Selskapsform og styring», Posten Norge (på norsk), henta 15. september 2022 
  8. «Konsernledelsen», Posten Norge (på norsk), henta 15. september 2022 
  9. «Styret», Posten Norge (på norsk), henta 15. september 2022 
  10. Seglsten, Johan (13. juli 2022). «postmonopolet». Store norske leksikon (på norsk bokmål). 

Bakgrunnsstoff

endre
  Commons har multimedium som gjeld: Posten Noreg