RS «Ole O.Lian»
| RS 52 «Ole O.Lian» | ||
| Verft: | Lindstøl Skipsbyggeri | |
| Konstruktør: | Bjarne Aas | |
| Byggjeår: | 1940 | |
| Byggjepris: | Kr 124 314,46 | |
| Oppkalla etter: | Ole Olsen Lian | |
| Finansiering: | LO | |
| Eigenskapar | ||
| Materiale: | Eik og teak | |
| Lengde: | 19,0 meter | |
| Breidde: | 5,45 meter | |
| Djupgåande: | 3,40 meter | |
| Seglareal: | 120 m² | |
| Motor år: | 1940 | |
| Motor: | 100/140 hk Union semidiesel | |
| Statistikk | ||
| Sett inn i teneste: | 1940 | |
| Ut av teneste: | 1975 | |
| Menneskeliv berga: | 24 | |
| Fartøy berga: | 10 | |
| Fartøy assistert: | 670 | |
| Dykkeroppdrag: | 11 | |
| Sjuketransport: | 141 | |
RS 52 «Ole O. Lian» er ei tidlegare redningsskøyte som vart bygd for Redningsselskapet hos Lindstøl Skipsbyggeri i Risør i 1940. Ho var den siste av i alt fjorten skøyter i Bjarne Aas klassa som vart bygd for redningsselskapet. Ho vart bygd av midlar gitt av LO, og oppkalla etter fagforeiningsleiaren Ole Olsen Lian. Skøyta er bygd i eik. Dekket er av teak. Første motorinstallasjonen var ein 100/140 hk Union semidiesel.
Skøyta har gjennom 35 år i Redningsselskapet vore gjennom fleire oppgraderingar og ombyggingar. Ny motor, GM diesel 220 hk vart installert i 1965. Styrehus har vorte bytt to gonger, og mastene har vorte fjerna, slik at «Ole O. Lian» vart ei rein motorskøyte.
RS «Ole O. Lian» har i åra 1940–75 redda 24 personar frå ein sikker daude, og assistert til saman 680 fartøy. Ho har vore stasjonert i Langesund, Kilsund, Rasvåg, Tananger, Haugesund og fleire stadar i Nord-Noreg. Ho var og ein periode på Svalbard.
Skøyta vart i 1975 seld til fiskerifagskulen i Bodø. Der vart ho brukt som som opplæringsfartøy fram til 1994 under namnet «RAUD». Her fekk ho fleire oppgraderingar og meir moderne utrusting.
Skøyta er i dag i privat eige som veteranfartøy. Ho står på Riksantikvarens liste over verneverdige fartøy. Fartøyet er i dag ytterlegare oppgradert teknisk med bl.a. moderne navigasjonshjelpemidel som radarar, elektroniske kart og GPS, nytt elektrisk anlegg og hovudmotor
Kjelde
endre- Denne artikkelen bygger på «RS «Ole O. Lian»» frå Wikipedia på bokmål, den 17. april 2011.
Bakgrunnsstoff
endre- RS «Ole O.Lian» i kulturminnesok.no, nettstaden til Riksantikvaren