Rasmus Martinus Sivertsson Moltu (19. desember 186519. september 1945) var ein norsk gardbrukar, fiskar og politikar frå Herøy i Møre og Romsdal. Han var stortingsmann for partiet Venstre i åra 1919-24.

Rasmus S. Moltu
Statsborgarskap Noreg
Fødd 19. desember 1865
Død

19. september 1945 (79 år)

Moltu var son til ein gardbrukar på Moldtustranda i Herøy på Sunnmøre. Han gjekk eit kurs på amtsskulen, og var fiskar og frå 1888 gardbrukar på Moltu. I 1889 fekk han offentleg stipend for å vitje verdsutstillinga i Paris. Frå 1895 til 1915 dreiv han fiskje frå eigen fiskebåt. Samstundes dreiv han handel med både sild og torsk.

Moltu var medlem i Herøy heradsstyre frå 1898, ordførar 1908-19. Han var også forlikskommissær i Herøy. Både i 1915 og 1929 var han med i departementale fiskeribankkomitear, og i 1929 også i ein komite som såg på klippfiskprisane. Moltu var formann i Søndmøre og Romsdals Fiskeriselskap og styremedlem i Noregs Fiskarlag.

I åra 1910-15 var Moltu varamann til Stortinget frå Søre Sunnmøre krins. Perioden 1919-21 møtte han på tinget frå valkrinsen Ytre Sunnmøre, medan han i 1922-24 representerte Møre fylke. Alle tingåra var han medlem i Næringskomite nr 1.

Kjelder endre