Sørkedalen kyrkje
Sørkedalen kyrkje, tidlegare Sørkedalen kapell, er ei nygotisk langkyrkje i tegl frå 1865 i Sørkedalen i Oslo kommune. Ho har 250 sitjeplassar.
| Sørkedalen kyrkje | |||
| kyrkje | |||
 Sørkedalen kyrkje
Foto: Hans A. Rosbach | |||
| Kyrkjesamfunn | Den norske kyrkja | ||
|---|---|---|---|
| Bispedøme | Oslo | ||
| Prosti | Vestre Aker | ||
| Sokn | Sørkedalen | ||
| Fellesråd | Oslo | ||
| Type | Langkyrkje | ||
| Periode | Nygotikk | ||
| Arkitekt | Christian H. Grosch | ||
| Teknikk | Mur | ||
| Material | Teglstein | ||
| Innvigd | 15. september 1865 | ||
| • Endringar | Ved arkitekt Georg Greve fram mot 1940 | ||
| Kyrkjegard | Det er kyrkjegard ved kyrkja | ||
| Altartavle | Av Dagfin Werenskiold | ||
| Orgel | Orgel frå Ott Orgelfabrikk frå 1976 | ||
| Sitjeplassar | 250 | ||
 Sørkedalen kyrkje 60°00′56″N 10°36′59″E / 60.01555556°N 10.61638889°E | |||
| Wikimedia Commons: Sørkedalen kirke | |||
Stadskonduktør Christian H. Grosch hadde fått i oppgåve å utarbeide planar og teikningar til kyrkja og ho vart innvigd 15. september 1865 av biskop Jens Lauritz Arup. Den tilhøyrande gravlunden vart innvigd på same tid.
Da kyrkja vart innvigd hadde ho to kyrkjeklokker, orgel og eit enkelt trekors ved altaret. Ho fekk nytt altarsølv av døypefatet frå Vestre Aker kyrkje som hadde vore stole i 1855 og seinare funne att i ei steinrøys.
På 1930-talet vart interiøret endra etter planar av arkitekt Georg Greve. Dagens altartavle i tre er skåren av Dagfin Werenskiold og er ei kopi av altartavla hans i Hornindal kyrkje. Vindauga i kapellet fekk glasmåleri av Bernhard Greve.
Det gamle orgelet vart skifta ut i 1976 da ein skaffa seg eit pipeorgel frå Ott Orgelfabrikk i Göttingen.
Sørkedalen er ei eiga meinigheit, men har ikkje eigen prest. Prestar frå Røa meinigheit held gudsteneste i Sørkedalen kyrkje.
Kjelder
endre- Alf Henry Rasmussen (red.): Våre kirker - Norsk kirkeleksikon, side 702, Vanebo forlag 1993, ISBN 82-75-27022-7
- Knut Are Tvedt (red): Oslo byleksikon, Kunnskapsforlaget 2010, side 557, ISBN 978-82-573-1760-7
- Heimesida til kyrkja Arkivert 2013-10-19 ved Wayback Machine.
Bakgrunnsstoff
endre- Sørkedalen kyrkje i kulturminnesok.no, nettstaden til Riksantikvaren