Shahrizor

Shahrizor er ei slette mellom Suleimania og Darbandikhan, søraust i Irakisk Kurdistan.

Historie

Sharazor og kongen her Yazdan Kard er nemnde i Karnamag, ei bok om persisk mytologi av Ardashir I og i inskripsjonar i Narseh. Under sassanidane var Sharazor ein av fem provinsar i satrapien Medes, eit iransk oldtidsfolk.

På 300-talet hadde somme av innbyggjarane på Sharazor konvertert til kristendom og vart forfølgde av sassanidane. Døme på dette var drapet på biskopen Shahdost Shahrazori og 128 av følgjarane hans.

Keisar Heraklios var i Shahrazur ein månad i februar 628.

I 642 evt. var Sharazor åstad for eit stort slag mellom kurdarar og invaderande arabiske muslimar som ønskte å erobre Sassanideriket. Etter å ha lidd massive tap, fekk arabarane kontroll over området i 643.

Sharazur vart innlemma i Ardalan fyrstedøme frå 1000- til 1500-talet og var den første hovudstaden her. Sidan var det ein del av Baban fyrstedøme.

Yaqoot Hamawi skildra regionen Sharazor som området mellom Erbil i vest og Hamadan i aust inkludert mange byar og landsbyar. Han skriv at innbyggjarane i regionen bestod utelukkande av kurdarar.

Sjå òg

• Kirkuk guvernement
• As Sulaymaniyah guvernement

Kjelder

• Denne artikkelen bygger på «Shahrizor» frå Wikipedia på engelsk, den 10. august 2018.
  • Wikipedia på engelsk oppgav desse kjeldene: