Shanghai er ein storby og hamneby ved austkysten av Kina. Med eit folketal på 24,2 millionar i 2018 er han det folkerikaste byområdet i Kina og etter nokre utrekningar den andre folkerikaste byen i verda. Hamna er den travlaste containerhamna i verda. Shanghai er elles eit globalt senter for finans, teknologi og transport.[2]

上海市
Shànghǎi
Uttale
Panorama av Pudong.
Panorama av Pudong.
Panorama av Pudong.
Styresmakter
Land Folkerepublikken Kina
Geografi
Flatevidd 6 341 km²
Flatevidd
 - By

7037 km²
Innbyggjarar[1]
 - By (2018)

24 237 800
Koordinatar 31°12′″N 121°30′″EKoordinatar: 31°12′″N 121°30′″E
Høgd over havet 4 m
Tidssone UTC+8 (UTC+8)
Diverse anna
Postnummer 200000–202100
Telefon-retningsnummer 21
Heimeside: http://shanghai.gov.cn

Byen ligg ved det sørlege estuaret av Yangtze, medan Huangpu renn gjennom han. Han var opphavleg ein fiskelandsby og marknadsstad, men fekk auka tyding på 1800-talet. Han var ein av fem traktathamner i Kina som blei opne for handel med utlandet etter den første opiumskrigen.

Shanghai er ein byprovins, ein «regjeringsumiddelbar by», dvs. som er direkte understilt sentralregjeringa i Kina og har same status som ein provins.

Bydelen Pudong er det finansielle senteret i Shanghai.

Namn endre

Dei to kinesiske skriftteikna for bynamnet «Shanghai» betyr 'på' og 'hav'. Første gongen ein kjem over dette namnet er under Song-dynastiet, då «Shanghai» var namnet både på staden der to elvar flaut saman og ein liten by på denne staden. Det er omstridd korleis namnet skal tolkast, men kinesiske historikarar har kome fram til at staden låg under havnivået under Tang-dynastiet, slik at det bokstaveleg var 'på havet'.[3]

Administrativ inndeling endre

Shanghai er delt inn i 19 einingar på fylkesnivå: 18 distrikt og eitt fylke.

Ni av distrikta dekkjer «Puxi», som er dei eldre delane av Shanghai sine bymessige delar og forstader på vestbreidda av elva Huangpu:

«Pudong», eller dei nyare delane av Shanghai sine bymessige delar og forstader på austbreidda av Huangpu, er eit eige distrikt med namnet Pudong. Før 1992 heitte det Chuansha fylke.

Åtte distrikt dekkjer forstader, satellittbyar og landlege område lengre vekk frå bykjerna:

Chongming-øya, ved osen av Yangtzeelva, er styrt av Chongming fylke (Chóngmíng Xiàn).

Styresmakter endre

Leiaren for lokallaget til Kinas kommunistparti er Li Qiang (2020).

Kjelder endre

  1. «2018年上海市国民经济和社会发展统计公报» [Statistical Communiqué of Shanghai on the 2018 National Economic and Social Development]. tjj.sh.gov.cn (på kinesisk). Shanghai Municipal Statistics Bureau. 1. mars 2019. Arkivert frå originalen 2. mai 2019. Henta 1. september 2019. 
  2. «上海简介» (på kinesisk). 国务院新闻办公室. 4. desember 2009. Henta 4. september 2019. 
  3. Danielson, Eric N., Shanghai and the Yangzi Delta, 2004, s. 8–9.
  Denne geografiartikkelen er ei spire. Du kan hjelpe Nynorsk Wikipedia gjennom å utvide han.